گوگل نیوز پر ہمیں فالو کریںافغانستان کی جانب سے پاکستانی سرحد پر بلا اشتعال حملوں اور گولہ باری کے بعد قبائلی علاقوں کے بہادر سرداروں نے پاک فوج کے شانہ بشانہ میدان جنگ میں اترنے کا اعلان کر دیا ہے۔
اورکزئی کے قبائلی رہنماؤں نے ایک مشترکہ جلسے میں دھمکی آمیز بیان جاری کرتے ہوئے کہا کہ وہ آنکھیں پھوڑ دیں گے جو پاکستان کو میلی نظر سے دیکھیں گی یہ الفاظ سرحد پر جاری کشیدگی کے تناظر میں قومی عزم کی ایک زندہ مثال بن گئے ہیں۔
“We will gouge out any eye that rises against #Pakistan” — Declaration by Orakzai tribal elders.
Orakzai: Tribal elders stand shoulder to shoulder with the #PakistanArmy against Afghan terrorists.#AfghanistanSheltersKhwarij
Orakzai: “Defending the homeland is our duty; we… pic.twitter.com/BT5IKbPkLR
— Pakistan Armed Forces News 🇵🇰 (@PakistanFauj) October 12, 2025
قبائلی سرداروں نے واضح پیغام دیا کہ وطن کی حفاظت ان کی رگوں میں خون کی طرح بہتی ہے اور وہ ہر قربانی دینے کو تیار ہیں۔ ان کا کہنا تھا کہ ماضی میں دہشت گردوں اور سرحد پار سازشوں کو کچلنے کا تجربہ موجود ہے اور اب بھی وہ کسی بھی خطرے کو جڑ سے اکھاڑ پھیک دیں گے۔ پاکستان کے خلاف اٹھنے والا ہاتھ کٹ جائے گا اور جو آنکھ اٹھے گی وہ اندھی ہو جائے گی۔
یہ اعلان پاک فوج کے ساتھ قبائلی لشکر کی مضبوط شراکت داری کو ظاہر کرتا ہے جہاں سرحدی محاذوں پر مشترکہ آپریشنز جاری ہیں۔ خیبر پختونخواہ کے قبائلی علاقوں میں فوج اور مقامی رہنماؤں کے درمیان ہم آہنگی میں اضافہ ہوا ہے اور عوام کی جانب سے بھی فوج کی مکمل حمایت کا اظہار ہو رہا ہے۔ یہ قومی یکجہتی سرحد پر حالیہ جھڑپوں اور دہشت گردی کے خلاف جاری کارروائیوں کو مزید طاقت دے گی۔
یہ بیان اس وقت سامنے آیا جب افغان فورسز کی اشتعال انگیزیوں نے سرحدی امن کو خطرے میں ڈال دیا ہے۔ تجزیہ کاروں کا کہنا ہے کہ قبائلی لشکر کی شمولیت پاکستان کی دفاعی حکمت عملی کو مزید مستحکم کرے گی اور یہ علاقائی استحکام کے لیے ایک طاقتور قدم ہے۔
