گوگل نیوز پر ہمیں فالو کریںبھارتی ریاست راجستھان میں ایک نجی بس میں خوفناک آگ لگنے کے باعث 19 افراد ہلاک اور متعدد زخمی ہو گئے۔
بھارتی نشریاتی ادارے کے مطابق یہ افسوسناک واقعہ جیسلمیر سے جودھپور جانے والی بس میں پیش آیا جس میں 57 مسافر سوار تھے۔
عینی شاہدین کے مطابق بس کے پچھلے حصے سے اچانک دھواں اٹھنے لگا جس پر ڈرائیور نے فوری طور پر بس سڑک کے کنارے روک دی تاہم چند لمحوں بعد ہی آگ نے پوری بس کو اپنی لپیٹ میں لے لیا۔
At least 20 people were killed after a bus carrying 57 passengers caught fire near Jaisalmer in Rajasthan
Prayers for the deceased! 🙏 pic.twitter.com/KZ0m0dqM8U
— Praffulgarg (@praffulgarg97) October 14, 2025
ابتدائی تحقیقات میں پولیس نے شبہ ظاہر کیا ہے کہ یہ حادثہ ممکنہ طور پر شارٹ سرکٹ کے باعث پیش آیا۔
واقعے میں 15 مسافر، جن میں دو بچے بھی شامل ہیں، شدید جھلس گئے، بعض زخمیوں کے جسم کا 70 فیصد حصہ جھلس چکا ہے۔ زخمیوں کو قریبی اسپتالوں میں منتقل کر دیا گیا ہے جہاں ان کی حالت تشویشناک بتائی جاتی ہے۔
بھارتی وزیراعظم نریندر مودی نے حادثے پر گہرے دکھ اور افسوس کا اظہار کیا ہے۔
اپنے بیان میں انہوں نے کہا کہ جیسلمیرمیں پیش آنے والے افسوسناک واقعے میں قیمتی جانوں کے ضیاع پر دلی رنج ہوا ہے، میری ہمدردیاں متاثرہ خاندانوں کے ساتھ ہیں۔
🔴 Tragic News from Rajasthan 💔
At least 19 people died after a private bus travelling from Jaisalmer to Jodhpur caught fire this evening. At least 16 passengers are critically injured. 🫢🫢🧐 pic.twitter.com/5EVb0jlPVr
— Naren Mukherjee (@NMukherjee6) October 15, 2025
وزیراعظم مودی نے اعلان کیا کہ وزیرِاعظم نیشنل ریلیف فنڈ سے جاں بحق افراد کے لواحقین کو دو لاکھ روپے اور زخمیوں کو پچاس ہزار روپے معاوضے کے طور پر فراہم کیے جائیں گے۔
Around 20 people were burnt alive in a horrific tragedy on today afternoon when a moving AC sleeper bus caught fire on the Jaisalmer Rajasthan.
May Allah grant peace to the departed souls and strength to their families. pic.twitter.com/CsMf0Gaw5Z
— هارون خان (@iamharunkhan) October 14, 2025
پولیس کے مطابق واقعے کی تحقیقات جاری ہیں تاہم ابھی تک بس کے مالک یا کمپنی کی جانب سے کوئی وضاحت سامنے نہیں آئی۔
واقعے نے مقامی سطح پر شدید غم و غصے کی فضا پیدا کر دی ہے جبکہ جائے وقوعہ پر ریسکیو ٹیموں نے کولنگ آپریشن مکمل کر لیا ہے۔
