گوگل نیوز پر ہمیں فالو کریںلاس اینجلس میں باسکٹ بال کے ایک حالیہ میچ کے بعد معروف گلوکار جسٹن بیبر اور ان کی اہلیہ، ماڈل ہیلی بیبر نے مداحوں کو اپنی محبت بھری زندگی کی نایاب جھلک دکھا کر انٹرنیٹ پر دھوم مچا دی۔
جسٹن بیبر نے انسٹاگرام پر اپنی ٹیم اسکائلرک کے میچ کے بعد لاکر روم میں لی گئی چند تصاویر شیئر کیں، جن میں وہ اپنی اہلیہ ہیلی کے ساتھ بے حد خوش اور قریب نظر آئے۔
تصاویر میں ہیلی، جو سیاہ رنگ کے دیدہ زیب لباس میں ملبوس تھیں، اپنے شوہر کی گود میں بیٹھی مسکرا رہی تھیں جبکہ جسٹن بینچ پر بیٹھے اپنے ساتھی کھلاڑیوں کے درمیان موجود تھے۔
دلچسپ بات یہ ہے کہ جسٹن نے اپنی پوسٹ کے ساتھ کوئی کیپشن نہیں لکھا لیکن ان کے 29 کروڑ سے زائد فالوورز نے محبت بھری تبصروں سے کمنٹس سیکشن بھر دیا۔ چند گھنٹوں میں ہی یہ پوسٹ اٹھارہ لاکھ سے زیادہ لائکس حاصل کر چکی تھی۔
جسٹن نے انسٹاگرام اسٹوری پر ایک ویڈیو بھی شیئر کی جس میں ہیلی بیبر انہیں کورٹ سائیڈ پر بیٹھ کر میچ کے دوران خوشی سے حوصلہ افزائی کرتے ہوئے نظر آ رہی تھیں۔
یہ محبت بھرا لمحہ اس وقت سامنے آیا جب ہیلی بیبر حال ہی میں اووین تھیلے کے پوڈکاسٹ ان یور ڈریمز میں شامل ہوئیں، جہاں انہوں نے ماں بننے کے تجربات، ازدواجی زندگی اور خوبصورتی کے فلسفے پر کھل کر بات کی۔
ہیلی اور جسٹن بیبر ایک سالہ بیٹے جیک کے والدین ہیں، جو اگست 2024 میں پیدا ہوا۔ دونوں نے اب تک اپنے بیٹے کی شناخت کو خفیہ رکھا ہے اور صرف چند دھندلی تصاویر ہی آن لائن شیئر کی ہیں۔
ہیلی نے پوڈکاسٹ میں بتایا کہ، اگر وہ میرے ساتھ نہیں ہوتا تو اپنے والد کے ساتھ ہوتا ہے، یا کبھی کبھار اپنے گڈ پیرنٹس کے پاس، ہم نے ہمیشہ اس کی دیکھ بھال کا مکمل انتظام کیا ہوا ہے۔
انہوں نے ماں بننے کی خوشی کا اظہار کرتے ہوئے کہا کہ وہ آئندہ مزید بچوں کی خواہش رکھتی ہیں۔ ان کے الفاظ میں، مجھے معلوم ہے کہ میں ایک سے زیادہ بچے چاہتی ہوں، میں نے ہمیشہ اپنے آپ کو ماں کے روپ میں تصور کیا ہے۔
سات سالہ ازدواجی سفر کے بعد بیبر جوڑی نے ایک بار پھر ثابت کیا کہ شہرت، خاندان اور عقیدے کے درمیان توازن برقرار رکھنا ممکن ہے۔
ان کی تازہ تصاویر نہ صرف ان کے مضبوط رشتے کی علامت ہیں بلکہ یہ ظاہر کرتی ہیں کہ جسٹن اور ہیلی بیبر زندگی کے ہر مرحلے میں ایک دوسرے کے سچے ساتھی ہیں۔
