گوگل نیوز پر ہمیں فالو کریںلاس اینجلس کے مشہور ہوٹل شیٹو مارمونٹ میں منعقد ہونے والی میبی اِٹس اے میبلین ایکس مائلی لانچ پارٹی میں معروف گلوکارہ اور گریمی ایوارڈ یافتہ مائلی سائرس نے اپنی دلکش اور بولڈ فیشن اسٹائل سے سب کو حیران کر دیا۔
32 سالہ مائلی سائرس نے عالمی شہرت یافتہ بیوٹی برانڈ میبلین کے ساتھ اپنی نئی شراکت داری کے موقع پر خصوصی تقریب میں شرکت کی جو نہ صرف ان کی بطور عالمی ایمبیسڈر تقرری کا جشن تھا بلکہ کمپنی کے نئے میبلین سیرم لپ اسٹک کی رونمائی بھی تھی۔
تقریب میں مائلی سائرس نے جدید مگر منفرد انداز اپناتے ہوئے سیاہ رنگ کے ٹیلرڈ بلیزر کے ساتھ ڈھیلے پاجامے پہنے۔ گہرے گلے والے بلیزر نے ان کے اعتماد اور انداز کو نمایاں کیا جبکہ سادہ مگر پُراثر لباس نے ان کی شخصیت کو مزید نکھار دیا۔
انہوں نے اپنے لباس کو بند جوتوں، نازک کانوں کے جھمکوں، چاندی کے لاکٹ اور نمایاں انگوٹھیوں کے ساتھ مکمل کیا۔
ان کا میک اپ بھی خاص توجہ کا مرکز رہا، ہلکی مسکارا، نرم آئی شیڈو اور چمکدار نیوڈ لپ اسٹک نے ان کی قدرتی خوبصورتی کو اُجاگر کیا۔
سنہری بالوں کی نرم لہروں نے چہرے کے خدوخال کو خوبصورتی سے نمایاں کیا اور ان کے مجموعی انداز میں پرانی ہالی ووڈ دلکشی کا لمس شامل کیا۔
ایونٹ کے بعد مائلی سائرس نے انسٹاگرام پر تقریب کی تصاویر شیئر کرتے ہوئے لکھا کہ میبی اِٹس مائلی! میبلین کے نئے سیرم لپ اسٹک لانچ کا جشن، بار مارمونٹ میں۔
ستمبر میں مائلی سائرس کو باضابطہ طور پر میبلین کا نیا عالمی چہرہ مقرر کیا گیا تھا۔ اپنے بیان میں انہوں نے کہاکہ مجھے یاد ہے بچپن میں میں میبلین کا جِنگل گنگناتی تھی اور خود کو اسکرین پر تصور کرتی تھی اور آج یہ خواب حقیقت بن گیا ہے۔
