گوگل نیوز پر ہمیں فالو کریںپاکستان سپر لیگ (پی ایس ایل) کا اگلا سیزن، جو اس ٹورنامنٹ کا گیارہواں ایڈیشن ہوگا، اپریل تا مئی 2026 میں منعقد ہونے کا امکان ہے۔
پی ایس ایل کے روایتی فروری مارچ والے شیڈول کو تبدیل کرنے کا فیصلہ اس لیے کیا گیا تاکہ اس کا ٹکراؤ آئی سی سی چیمپئنز ٹرافی جیسے بین الاقوامی ایونٹس سے نہ ہو۔
آئندہ سیزن میں دو نئی ٹیموں کی شمولیت کے بعد لیگ میں چھ کے بجائے آٹھ فرنچائزز شامل ہوں گی۔
یہ فیصلہ لاہور میں منعقدہ اجلاس میں کیا گیا، جس میں پی ایس ایل مینجمنٹ اور تمام فرنچائزز کے نمائندے شریک تھے۔
ذرائع کے مطابق اجلاس میں کھلاڑیوں کے انتظام، مجوزہ شیڈول، مقامات، اور ٹورنامنٹ ونڈو پر تفصیلی گفتگو ہوئی۔
اسی دوران فرنچائز مالکان کو دو نئی ٹیمیں شامل کرنے کے منصوبے سے بھی آگاہ کیا گیا، جبکہ ٹائٹل اسپانسرشپ معاہدے پر بھی ایک جامع پریزنٹیشن پیش کی گئی۔
یہ طے پایا کہ ان معاملات پر مزید بات چیت آئندہ فالو اپ میٹنگز میں ہوگی۔
ذرائع نے مزید بتایا کہ فرنچائزز کو یقین دہانی کرائی گئی ہے کہ ٹیم ویلیوایشن کی تفصیلات آئندہ ہفتے تک فراہم کر دی جائیں گی۔
