گوگل نیوز پر ہمیں فالو کریںاسٹیٹ بینک پاکستان نے “InvestPak” نامی ایک نیا آن لائن پلیٹ فارم متعارف کروایا ہے جس کا مقصد حکومتی سیکیورٹیز میں سرمایہ کاری کا عمل آسان اور ڈیجیٹل بنانا ہے۔ یہ ویب پورٹل افراد اور اداروں دونوں کو بغیر بینک جانے اپنے سرمایہ کاری کے کھاتے کھولنے، نیلامی میں بولی لگانے اور سیکیورٹیز کی خرید و فروخت کرنے کی سہولت فراہم کرے گا۔
اس پلیٹ فارم پر پاکستانی روپے کے حامل تمام افراد، جوائنٹ اکاؤنٹ ہولڈرز اور کارپوریٹ ادارے اپنے IBAN کے ذریعے رجسٹریشن کروا سکتے ہیں۔ اگر کسی کے پاس پہلے سے سرمایہ کاری کا کھاتہ (IPS) نہیں ہے تو وہ بھی InvestPak کے ذریعے آسانی سے اپنا اکاؤنٹ بنا سکتے ہیں۔
#SBP has launched #InvestPak, a digital platform for investment in government securities. Register now on web portal or download mobile app: https://t.co/I2q4y0C2IY pic.twitter.com/VWlBSuyWhl
— SBP (@StateBank_Pak) November 6, 2025
InvestPak کے ذریعے سرمایہ کار سرکاری نیلامیوں میں بولی لگا سکیں گے اور اپنے بینک سے براہِ راست سیکیورٹیز کی قیمتیں جان سکیں گے جس سے تمام لین دین شفاف اور درست طریقے سے ان کے پورٹ فولیو میں نظر آئیں گے۔
ایس بی پی نے تمام بینکوں اور پرائمری ڈیلرز کو ہدایت دی ہےکہ وہ اپنے صارفین کی رجسٹریشن میں مکمل تعاون کریں اور مائیکروفنانس بینکوں کو بھی اس منصوبے میں شامل ہونے کی ترغیب دی گئی ہے تاکہ صارفین کو بہترین سہولت فراہم کی جا سکے۔
InvestPak پلیٹ فارم 6 نومبر 2025 سے باقاعدہ طور پر کام کرنا شروع کر دے گا جو پاکستان کے مالیاتی شعبے میں ڈیجیٹل انقلاب کا ایک اہم قدم سمجھا جا رہا ہے۔
