گوگل نیوز پر ہمیں فالو کریںپاکستان اور سری لنکا کے درمیان تین ون ڈے میچوں کی سیریز کا دوسرا مقابلہ آج جمعہ کے روز راولپنڈی کرکٹ اسٹیڈیم میں کھیلا جائے گا۔ میچ کی میزبانی کے لیے انتظامات مکمل کرلیے گئے ہیں جبکہ شائقینِ کرکٹ میں بھی بھرپور جوش و خروش پایا جا رہا ہے۔
پاکستان کرکٹ بورڈ نے واضح کیا ہے کہ 13 نومبر کے لیے خریدے گئے تمام ٹکٹ 14 نومبر کو ہونے والے میچ کے لیے بھی قابلِ قبول ہوں گے کیونکہ اسلام آباد میں منگل کے روز ہونے والے خودکش حملے کے باعث میچ ایک دن مؤخر کردیا گیا تھا۔
اسی طرح سیریز کا تیسرا اور آخری ون ڈے بھی 15 نومبر کے بجائے 16 نومبر کو کھیلا جائے گا، اور 15 نومبر کے لیے جاری کیے گئے ٹکٹ اب 16 نومبر کے لیے بھی معتبر ہوں گے۔
پاکستان ٹیم سیریز میںایک صفر کی برتری رکھتی ہے۔ پہلے ون ڈے میں گرین شرٹس نے سری لنکا کو سنسنی خیز مقابلے کے بعد چھ رنز سے شکست دی تھی۔ آج کا میچ سیریز کے نتائج پر اہم اثر ڈالے گا اور دونوں ٹیمیں جیت کے لیے بھرپور حکمتِ عملی کے ساتھ میدان میں اتریں گی۔
پاکستان کی ٹیم:
شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا۔
سری لنکا کی ٹیم:
چرِتھ اسالنکا (کپتان)، پاتھوم نسانکا، لہیرُو اودارا، کامل مشارا، کوشل مینڈس، سدیرا سماراوکراما، کامندو مینڈس، جانتھ لیانگی، پاون رتھ نائیکے، ونندو ہسارنگا، مہییش تھیکشانا، جیفری ونڈرسے، دُشمنتھا چمیرا، اسیٹھا فرنینڈو، پرمود مدوشان، ایشان ملنگا۔
