گوگل نیوز پر ہمیں فالو کریںدنیا کے مشہور نیلام گھر سوتھبیز نے ایک نایاب ڈائنوسار، سیراٹوسار کی ہڈی کو تقریباً 262 کروڑ روپے میں فروخت کر کے نیا ریکارڈ قائم کر دیا ہے۔
یہ ڈائنوسار تقریباً 90 ملین سال پہلے امریکی مغرب کی قدیم دلدلوں میں رہتا تھا اور ایک خطرناک شکاری کے طور پر جانا جاتا تھا۔ سیراٹوسار کی سب سے نمایاں خصوصیت اس کی پتلی ناک پر ہارن اور خنجر جیسے نوکیلے دانت ہیں جو اسے سائنسی اور تاریخی لحاظ سے بہت قیمتی بناتے ہیں۔
نیلامی میں خریدار کا نام ظاہر نہیں کیا گیا لیکن یہ فروخت ڈائنوسار فاسلز کی دنیا میں ایک نیا معیار قائم کر گئی ہے اور سائنسدانوں اور فاسلز جمع کرنے والوں کی دلچسپی کا سبب بنی ہے۔
ماہرین کہتے ہیں کہ ایسی نایاب دریافتیں پرانے زمانے کی زندگی کو سمجھنے میں مدد دیتی ہیں لیکن اس پر بحث بھی جاری ہے کہ کیا یہ فاسلز نجی جمع کرنے والوں کے لیے ہونے چاہیے یا عوام کے لیے محفوظ رکھے جائیں۔
