گوگل نیوز پر ہمیں فالو کریںکراچی کے علاقے نیپا چورنگی میں ایک کھلے مین ہول میں گرنے والے 3 سالہ بچے ابراہیم کی ناگہانی موت اور اس کی والدہ کی دکھ پر عوام میں حکومت کے خلاف شدید غم و غصہ پایا جارہا ہے۔ معروف اداکارہ ماہرہ خان نے اس واقعے پر گہرے دکھ کا اظہار کرتے ہوئے کہا کہ انہوں نے ایک ماں کی ویڈیو دیکھی جو اپنے بچے کے لیے بے بسی کے عالم میں روتی رہی۔ ماہرہ خان نے سوال کیا کہ اس سب کا جواب دہ کون ہے؟ یہ بے حسی ناقابل تصور ہے۔
Just watched the video of a mother helplessly screaming crying for her baby!!! Who the hell is answerable for Karachi in Karachi? Unimaginable apathy.
— Mahira Khan (@TheMahiraKhan) December 1, 2025
جناح سندھ میڈیکل یونیورسٹی ایسوسی ایشن آف نارتھ امریکا کے صدر ڈاکٹر فرخ سلیم نے سماجی رابطے کی ویب سائٹ ایکس پر لکھا کہ کراچی کے لوگوں کو اپنے حقوق کے لیے کھڑا ہونا چاہیے۔ اس شہر کو بہت عرصے سے نظرانداز کیا جا رہا ہے۔ پاکستان کی تقریباً 70% آمدنی پیدا کرنے کے باوجود اس کو وہ عزت، سرمایہ کاری اور حکمرانی نہیں ملتی جس کا یہ حقدار ہے۔ کراچی والوں اپنی آواز بلند کریں۔
People of Karachi must stand up for their rights. This city has been neglected for far too long!! Despite generating nearly 70% of Pakistan’s revenue, it gets nothing close to the respect, investment, or governance it deserves.
RAISE YOUR VOICE
— Dr. Farrukh Shamim ( Muhammad Malik) (@mmalikx7) December 1, 2025
بچے کی لاش کی بازیابی
ریسکیو حکام کے مطابق بچے کی لاش 14 گھنٹے بعد نالے سے برآمد ہوئی۔ لاش جائے وقوعہ سے تقریباً ڈیڑھ کلومیٹر دور نکالی گئی اور فوری طور پر سرد خانے منتقل کی گئی۔
واقعہ کب پیش آیا؟
یہ افسوسناک واقعہ گزشتہ روز اتوار کی رات تقریباً 11 بجے پیش آیا، جب بچہ ابراہیم والدہ کے ساتھ ڈیپارٹمنٹل اسٹور میں شاپنگ کر رہا تھا۔ بچے نے والد کے پیچھے بھاگتے ہوئے کھلے مین ہول میں گر گیا۔
مشتعل افراد کا احتجاج
واقعے کے بعد علاقہ مکینوں نے شدید احتجاج کیا، سڑکوں پر ٹائر جلا کر ٹریفک روک دی اور میڈیا پر بھی حملہ کیا۔ مشتعل ہجوم کے باعث ریسکیو ٹیموں کو امدادی کام روکنے پر مجبور ہونا پڑا۔
بچے کے دادا کا بیان
بچے کے دادا نے بتایا کہ ان کا بیٹا اپنی اہلیہ اور بچے کے ہمراہ رات تقریباً ساڑھے 10 بجے شاپنگ کے لیے گئے تھے۔ والد پارکنگ ایریا میں بائیک کھڑی کررہے تھے جبکہ بچہ والدہ کے ساتھ تھا۔ جیسے ہی بچہ والد کے پیچھے بھاگا وہ کھلے مین ہول میں گر گیا۔
