گوگل نیوز پر ہمیں فالو کریںلاہور کے علاقے گلبرگ کے نجی ہوٹل میں آگ لگ گئی۔ خوفناک آتشزدگی کے نتیجے میں 5افراد جھلس کر زخمی ہوگئے جبکہ ریسکیو کارروائی جاری ہے۔
تفصیلات کے مطابق لاہور کے نجی ہوٹل میں آتشزدگی کے دوران 180 افراد کو بحفاظت نکال لیا گیا ہے اور چیف سیکریٹری پنجاب کا کہنا ہے کہ عمارت میں مزید کوئی شخص موجود نہیں۔ زخمی افراد کو ہسپتال منتقل کردیا گیا ہے۔
لاہور حسین چوک میں واقعہ Indigo ہوٹل میں آگ لگ گئی، ریسکیو کا عمل جاری، پانچ لوگوں کو نکال لیا گیا، آگ بیسمنٹ میں لگی۔ pic.twitter.com/N14UFcwBQf
— Umer Inam (@UmerInamPk) January 24, 2026
آگ لگنے کی اطلاع ملتے ہی ریسکیو فائٹرز اور فائر بریگیڈ جائے وقوعہ پر پہنچ گئے اور ریسکیو کارروائی شروع کردی گئی۔ حکام کا کہنا ہے کہ آگ کو جلد کنٹرول کرلیا جائے گا۔ ابتدائی طور پر آگ ہوٹل کے بیس منٹ میں لگی تھی۔
ریسکیو ورکرز کو بھڑکتی ہوئی آگ اور تیز دھویں کے باعث آگ بجھانے میں مشکلات کا سامنا ہے۔ جس وقت آگ لگی، اس وقت ہوٹل میں نجی کالج کا ایونٹ جاری تھا۔ آتشزدگی کے باعث درجنوں افراد ہوٹل میں پھنس گئے تھے جنہیں ریسکیو کیا گیا ہے۔
