گوگل نیوز پر ہمیں فالو کریںامریکہ کے شہر نیو یارک کے علاقے برونکس میں واقع ایک 17 منزلہ رہائشی عمارت کی اوپری منزلوں میں شدید آگ بھڑک اٹھی جس پر قابو پانے کے لیے فائر ڈیپارٹمنٹ اور دیگر ایمرجنسی ادارے بھرپور کارروائی میں مصروف ہیں۔
اطلاعات کے مطابق آگ ہفتے کی صبح مقامی وقت کے مطابق آدھی رات کے بعد لگی جو دیکھتے ہی دیکھتے عمارت کی اوپری منزلوں اور متعدد فلیٹس تک پھیل گئی۔ آگ کے باعث اٹھنے والا گہرا سیاہ دھواں دور سے آسمان پر بلند ہوتا دیکھا گیا جس سے علاقے میں خوف و ہراس پھیل گیا۔
BREAKING 🚨 A massive high-rise in Bronx New York is on fire right now with many people trapped
PRAY FOR THESE PEOPLE 🙏
— MAGA Voice (@MAGAVoice) January 24, 2026
نیو یارک فائر ڈیپارٹمنٹ (FDNY) کے مطابق واقعے کو فور الارم فائر قرار دیا گیا ہے جس کے باعث 200 سے زائد فائر فائٹرز اور ایمرجنسی عملے کے اہلکار فوری طور پر جائے وقوعہ پر پہنچ گئے۔ آگ بجھانے کی کارروائیاں تاحال جاری ہیں۔
FDNY responds to blaze engulfing several upper floors after suspected gas explosion in The Bronx, New York. Casualties include deaths and injuries amid ongoing rescue ops. #Bronx #NYC_Fire pic.twitter.com/DOt7fNVpoB
— GeoTechWar (@geotechwar) January 24, 2026
سوشل میڈیا پر وائرل ہونے والی ویڈیوز میں آگ کی شدت اور شعلوں کو عمارت کی اوپری منزلوں کو اپنی لپیٹ میں لیتے ہوئے واضح طور پر دیکھا جا سکتا ہے تاہم حکام کا کہنا ہے کہ ابھی تک کسی جانی نقصان یا زخمی ہونے کی باضابطہ تصدیق نہیں ہو سکی۔ بعض غیر مصدقہ سوشل میڈیا رپورٹس میں ممکنہ ہلاکتوں کا ذکر کیا جا رہا ہے لیکن متعلقہ اداروں نے ان دعوؤں کی تصدیق نہیں کی۔
فائر ڈیپارٹمنٹ کے مطابق آگ لگنے کی وجوہات جاننے کے لیے تحقیقات کا آغاز کر دیا گیا ہے اور واقعے کے تمام پہلوؤں کا جائزہ لیا جا رہا ہے۔
نوٹ؛ مزید معلومات موصول ہونے پر خبر کو اپ ڈیٹ کیا جائے گا۔
