گوگل نیوز پر ہمیں فالو کریںاسلام آباد: وزیراعظم عمران خان سے انسپکٹر جنرل پولیس (آئی جی) سندھ کلیم امام کی ملاقات ہوئی جس کے بعد وزیراعظم نے انہیں سیکریٹری نارکوٹکس ڈویژن لگانے کا فیصلہ کرلیا ہے۔
وزیراعظم عمران خان کے طلب کرنے پر آئی جی سندھ ڈاکٹر کلیم امام نےان سے ملاقات کی تھی جس میں صوبے میں امن و امان کی مجموعی صورت حال پر بات چیت کی گئی۔
ہ وزیراعظم سے ملاقات میں آئی جی سندھ نے تحفظات سے آگاہ کرتے ہوئے کہا کہ میں نے اپنا کام نیک نیتی سے کیا اور میرا ٹریک ریکارڈ سب کے سامنے ہے، میں نے کبھی ذاتیات کو میرٹ پر ترجیح نہیں دی۔
کلیم امام کا کہنا تھا کہ حکومت پاکستان کا ملازم ہوں، پاکستان کے آئین کے مطابق کام کرنے کا پابند ہوں، اس لیے حکومت مجھے جہاں تعینات کرے، مجھے کوئی اعتراض نہیں،جبکہ وزیراعظم کی جانب سے نئے نام آنے تک آئی جی کی تبدیلی مؤخر کرنے کا عندیہ دیا گیا ہے۔
یہ بھی پڑھیں: سندھ حکومت کا نئے آئی جی کیلئے گورنرعمران اسماعیل کیساتھ ملاقات سے انکار
