گوگل نیوز پر ہمیں فالو کریںمعروف سوشل میڈیا انفلوئنسر اور خودساختہ گلوکار چاہت فتح علی خان نے بسنت کیلئے نیا گانا بلا بن کے ریلیز کیا ہے جو مبینہ طور پر ہوبہو حدیقہ کیانی کے بوہے باریاں کا چربہ ہے جس پر سوشل میڈیا صارفین نے چاہت فتح علی خان کو آڑے ہاتھوں لے لیا۔
تفصیلات کے مطابق بدوبدی سے شہرت حاصل کرنے والے چاہت فتح علی خان نے حدیقہ کیانی کے گانے بوہے باریاں کی نہ صرف دھن بلکہ بول تک وہی رکھے اور بہت کم مقامات پر اسے تبدیل کیا ہے، جس پر سوشل میڈیا صارفین نے کڑی تنقید کی۔
چاہت فتح علی خان نے اپنے نئے گانے کی ویڈیو سوشل میڈیا پر شیئر کردی جس پر صارفین نے ملے جلے تبصرے کیے۔ ایک صارف نے کہا کہ حدیقہ کیانی یہ گانا سن کر رو رہی ہوگی۔ ایک اور صارف کا کہنا تھا کہ کسی گلوکار نے 25سال بعد بسنت پر گانا ریلیز کیا ہے۔
Chahat’s Basant song #basant pic.twitter.com/Wo06i3JtJv
— Murtaza Ali Shah (@MurtazaViews) February 5, 2026
ایک اور سوشل میڈیا صارف نے حدیقہ کیانی کو چاہت فتح علی خان پر ہتک عزت کا کیس کرنے کا مشورہ دیتے ہوئے الزام لگایا کہ چاہت فتح علی خان نے حدیقہ کیانی کا گانا چوری کرلیا ہے۔ ایک اور صارف کا کنہا تھا کہ اس نے قسم کھا لی ہے کہ رنگ میں بھنگ ڈالنی ہے۔
