کویتی دینار کو بڑا جھٹکا! دنیا کی مہنگی ترین کرنسی کی قیمت میں کمی آگئی

پاکستان کی اوپن مارکیٹ میں کویتی دینار کی قدر میں کمی ریکارڈ کی گئی ہے جہاں یہ 69 پیسے سستا ہو گیا ہے۔ کرنسی مارکیٹ کے تازہ اعداد و شمار کے مطابق کویتی دینار کی خریداری 906 روپے 27 پیسے جبکہ فروخت 915 روپے 71 پیسے میں کی جا رہی ہے۔

ماہرین کے مطابق اوپن مارکیٹ میں کرنسی کی قیمتوں میں روزانہ بنیادوں پر معمولی ردوبدل عالمی مارکیٹ کے رجحانات اور مقامی طلب و رسد کے باعث دیکھنے میں آتا ہے۔ کویتی دینار مشرق وسطیٰ میں کام کرنے والے پاکستانیوں کی ترسیلات زر کے حوالے سے بھی اہمیت رکھتا ہے جس کی وجہ سے اس کی قیمت میں تبدیلی کو مارکیٹ میں خاص توجہ دی جاتی ہے۔

واضح رہے کہ پاکستان میں فارن ایکسچینج مارکیٹیں صبح 9 بجے سے شام 5 بجے تک کام کرتی ہیں۔ اس دوران کرنسی ریٹس میں اتار چڑھاؤ جاری رہتا ہے جبکہ شام 5 بجے طے پانے والا اختتامی ریٹ اگلے کاروباری روز کے لیے تمام کرنسیوں کا ابتدائی ریٹ قرار پاتا ہے۔