گوگل نیوز پر ہمیں فالو کریںپاکستان کی مقامی صرافہ مارکیٹس میں سونے کی قیمتوں میں اضافے کا رجحان دیکھا جا رہا ہے اور چاندی بھی مہنگی ہوگئی جبکہ بدھ کے روز ایک تولہ سونے کی قیمت میں 1 ہزار 300روپے کا اضافہ ہوا۔ سونے کے یہ نرخ آج دوپہر تک برقرار رہیں گے۔
آل پاکستان جیمز اینڈ جیولرز ایسوسی ایشن کی جانب سے جاری کردہ تازہ ریٹس کے مطابق مقامی صرافہ بازار میں 24 قیراط کا حامل فی تولہ سونا 1300 روپے مہنگا ہونے سے 5لاکھ 16ہزار 62 روپے جبکہ 10 گرام سونا 1 ہزار 114 روپے اضافے سے 4لاکھ 42ہزار 439روپے کا ہوگیا۔
پاکستان جیمز اینڈ جیولرز ایسوسی ایشن کے مطابق 22 قیراط کا حامل 10 گرام سونا ایک ہزار 21 روپے مہنگا ہوکر 4 لاکھ 5 ہزار 583 روپے کی سطح پر آگیا۔
صرافہ ایسوسی ایشن کے مطابق فی تولہ چاندی کی قیمت 32روپے کے اضافے سے 8ہزار 46روپے جبکہ دس گرام چاندی کی قیمت 28روپے کے اضافے سے 6ہزار 898روپے کی سطح پر آگئی۔
دوسری جانب عالمی صرافہ مارکیٹس میں فی اونس سونا کی قدر میں 13 ڈالر کا اضافہ ریکارڈ کیا گیا جس کے بعد فی اونس سونا 4 ہزار 933 ڈالر کا ہوگیا جبکہ فی اونس چاندی کی قدر صفر اعشاریہ 32 ڈالر اضافے سے 75 اعشاریہ 62 ڈالر کی سطح پر آگئی۔
