گوگل نیوز پر ہمیں فالو کریںپاکستان شوبز انڈسٹری کی اداکارہ کنول فاروق کی جانب سے ایک ٹی وی پروگرام میں کیا گیا انکشاف سوشل میڈیا پر بحث کا موضوع بن گیا ہے۔ اداکارہ نے بتایا کہ وہ اپنی طے شدہ شادی سے ایک رات پہلے گھر بھاگ گئی تھیں جس کے بعد صارفین کی جانب سے انہیں سخت تنقید کا سامنا کرنا پڑا۔
کنول فاروق کے مطابق ان کے والدین نے ان کی شادی طے کر دی تھی اور گھر والے مسلسل اس پر زور دے رہے تھے۔ انہوں نے والدین کی خوشی کی خاطر اس فیصلے کی مخالفت نہیں کی اور شادی کی تیاریاں بھی جاری رہیں۔ خریداری مکمل کی گئی اور تقریب کا اہتمام بھی کیا گیا تاہم جب شادی کا دن قریب آیا تو وہ خود کو ذہنی طور پر اس رشتے کے لیے تیار نہ کر سکیں اور ایک رات قبل گھر چھوڑنے کا فیصلہ کر لیا۔
میں شادی سے ایک دن پہلے گھر سے بھاگ گئی تھی ،
شادی کے کارڈ وغیرہ تو بٹ گئے ہوں گے ؟
نہیں اللہ نے عزت رکھ لی تھی وتعز من تشاء وتذل من تشاء گھر والوں کو شک تھا اس لیے انہوں نے زیادہ لوگ نہیں بلائے تھے ! کنول فاروق 👏 pic.twitter.com/dYOZZbZYvm— AMJAD KHAN (@iAmjadKhann) March 4, 2026
اداکارہ کا کہنا تھا کہ ان کے والدین انہیں اچھی طرح جانتے تھے اسی لیے انہیں کچھ حد تک خدشہ تھا کہ ایسا ہو سکتا ہے۔ یہی وجہ تھی کہ شادی کی تقریب محدود رکھی گئی اور ابتدا میں صرف نکاح کا پروگرام ترتیب دیا گیا تھا۔
والدین کو بروقت آگاہ نہ کرنے سے متعلق سوال پر کنول فاروق نے وضاحت کی کہ چونکہ ان کے والدین اس رشتے پر خوش تھے اس لیے وہ کچھ عرصے تک انہیں خوش دیکھنا چاہتی تھیں۔
اداکارہ کے انٹرویو کا کلپ منظر عام پر آنے کے بعد سوشل میڈیا پر مختلف آرا سامنے آئیں۔ بعض صارفین نے اس واقعے کو غیر ذمہ دارانہ قرار دیتے ہوئے سخت تنقید کی جبکہ کچھ نے پروگرام کے میزبان اور حاضرین پر بھی اعتراض کیا۔ناقدین کا کہنا تھا کہ ایسے حساس معاملے کو سنجیدگی سے لیا جانا چاہیے تھا۔
ایک صارف نے تبصرہ کیا کہ اپنی بے غیرتی کو فخر سے بیان کیا جا رہا ہے اور لوگ تالیاں بجا رہے ہیں، یہ کیسا معاشرہ ہے؟
ایک خاتون صارف نے لکھا کہ نہ میزبان کو شرم آئی، نہ مہمان کو اور سامعین بھی تالیاں بجاتے رہے۔
نہ پروگرام کے میزبانوں کو شرم نہ گیسٹ کو واقعہ بتانے میں شرم آئی اور مزید سامنے بیٹھے سامعین بھی تالیاں بجا رہے ہیں خوش ہو رہے ہیں ۔
بے شرم لوگ— Low Full Toss (@Ful_Toss) March 4, 2026
ایک اور صارف نے سخت ردعمل دیتے ہوئے کہا کہ یہ ثابت کرتا ہے کہ پروگرام کے اینکر، مہمان اور حاضرین سب غیر سنجیدہ رویہ اختیار کیے ہوئے ہیں۔ ساتھ ہی انہوں نے سوال اٹھایا کہ والدین پر اس واقعے کا کیا اثر ہوا ہوگا۔
ثابت ہوا کی اینکر معمان اور تماشائی سب کے سب جاہل ہیں اس ویڈیو میں۔ اس کے ماں باپ پے کیا گزری ہو گی جب بیٹی کی ایسی باتیں سنی ہوں گی
— Khayyam Ali (@itskhayyam) March 4, 2026
یہ معاملہ سوشل میڈیا پر اب بھی زیرِ بحث ہے اور صارفین مختلف زاویوں سے اپنی آرا کا اظہار کر رہے ہیں۔
