گوگل نیوز پر ہمیں فالو کریںخیبرپختونخوا میں پاکستان تحریک انصاف کی مسلسل 13 سالہ حکمرانی کے باوجود تعلیمی شعبے میں بنیادی سہولیات فراہم کرنے کے دعوے زمین بوس ثابت ہو رہے ہیں۔
ضلع کرک کے گاؤں کمالی بانڈہ میں واقع گورنمنٹ پرائمری اسکول کے حالات انتہائی مخدوش ہیں جہاں بچوں کو خستہ حال عمارت اور ٹوٹے پھوٹے کمروں میں تعلیم حاصل کرنے پر مجبور کیا جا رہا ہے۔
سر آپکی خصوصی توجہ چاہیے@CSKPOfficial @AwamKaEhsaas
ضلع کرک کے گاؤں کمالی بانڈہ میں واقع گورنمنٹ پرائمری سکول کے حالات انتہائی خراب ہو چکے ہیں۔ معصوم بچوں کا مستقبل خستہ حال عمارت، ٹوٹے کمروں اور بنیادی سہولیات کی کمی کے سائے میں پروان چڑھ رہا ہے۔ افسوس کی بات یہ ہے کہ تعلیم… pic.twitter.com/eLK3Yn0lcg— Mushtaq Ahmad (@Mushtaq_KTK101) March 14, 2026
سوشل میڈیا پر وائرل ویڈیوز میں دیکھا جا سکتا ہے کہ اسکول کی عمارت کی حالت ایسی ہے کہ چھتیں اور کلاس رومز ٹوٹ پھوٹ کا شکار ہیں جبکہ بنیادی تعلیمی سہولیات بالکل موجود نہیں۔ معصوم بچوں کا مستقبل انہی خستہ حال حالات کے سائے میں پروان چڑھ رہا ہے۔
سماجی کارکنوں، مقامی شہریوں اور اسکول میں پڑھنے والے بچوں کے والدین کا کہنا ہے کہ تعلیم جیسے اہم شعبے کو مسلسل نظر انداز کیا جا رہا ہے جس سے نہ صرف بچوں کی تعلیم متاثر ہو رہی ہے بلکہ ان کے مستقبل پر بھی خطرات منڈلا رہے ہیں۔
