گوگل نیوز پر ہمیں فالو کریںوزیرِ داخلہ محسن نقوی نے اعلان کیا ہے کہ وزیراعظم کی ہدایت پر وفاقی دارالحکومت میں کل سے آئندہ 30 روز کے لیے عام شہریوں کے لیے تمام پبلک ٹرانسپورٹ مفت کر دی جائے گی۔
وزارتِ داخلہ اس عوامی ریلیف اقدام پر 35 کروڑ روپے کے اخراجات برداشت کرے گی، جسے بڑھتی ہوئی مہنگائی کے دوران شہریوں پر مالی بوجھ کم کرنے کی ایک اہم کوشش قرار دیا جا رہا ہے۔
جمعہ کے روز ایک بیان میں محسن نقوی نے کہا کہ یہ اقدام اس عزم کی عکاسی کرتا ہے کہ حکومت مشکل حالات میں عوام کے ساتھ کھڑی ہے۔ ان کا کہنا تھا کہ ہم عوام کو تنہا نہیں چھوڑیں گے، شہری ذاتی گاڑیوں کے بجائے پبلک ٹرانسپورٹ استعمال کریں۔ جنگی صورتحال کے باعث دنیا عالمی معاشی بحران سے گزر رہی ہے، اور جیسے ہی حالات بہتر ہوں گے عوام کو مزید ریلیف دیا جائے گا۔
