گوگل نیوز پر ہمیں فالو کریںمیڈونا نے اپنے حالیہ کوچیلا پرفارمنس کے بعد غائب ہونے والے قیمتی اسٹیج ملبوسات کی واپسی کی اپیل کی ہے اور ان کی محفوظ واپسی پر انعام دینے کی پیشکش بھی کی ہے، جبکہ ان اشیاء کو اپنی ذاتی اور موسیقی کی تاریخ کا اہم حصہ قرار دیا ہے۔
گلوکارہ نے بتایا کہ کچھ ونٹیج ملبوسات ان کے لیے گہری جذباتی اہمیت رکھتے ہیں، کیونکہ یہی بوٹس، کارسیٹ اور جیکٹ انہوں نے 20 سال قبل بھی کوچیلا میں پرفارمنس کے دوران پہنی تھیں۔
انسٹاگرام پر شیئر کی گئی ایک پوسٹ میں پاپ کی ملکہ نے لکھا کہ “یہ صرف کپڑے نہیں، میری تاریخ کا حصہ ہیں۔” ان کے مطابق غائب ہونے والی اشیاء میں ایک جامنی رنگ کی جیکٹ، کارسیٹ اور ڈریس شامل ہے، جو انہوں نے حالیہ ایونٹ میں سبرینا کارپنٹر کے ساتھ سرپرائز پرفارمنس کے دوران پہنا تھا۔
