گوگل نیوز پر ہمیں فالو کریںاداکارہ بختاور مظہر ٹی وی ڈرامہ سیریل “ڈاکٹر بہو” میں سنیہ کی پھوپھو کے کردار میں کینسر کے مریض کی زندگی اور اس کی جدوجہد کو اپنی شاندار اداکاری کی بدولت حقیقت سے قریب انداز میں پیش کر رہی ہیں، جس نے کینسر کا حقیقی دکھ سمجھنے والے حساس ناظرین کے دل دہلا دئیے۔
تفصیلات کے مطابق تھیٹر سے وابستہ بختاور مظہر اس سے قبل بھی “پرورش” میں اپنی مضبوط اداکاری کے باعث ناظرین کی توجہ حاصل کر چکی ہیں، اور اب “ڈاکٹر بہو” میں بھی ان کی کارکردگی کو خاصی پذیرائی مل رہی ہے۔
View this post on Instagram
اداکارہ کا کہنا ہے کہ کردار کو زیادہ حقیقی بنانے کے لیے انہوں نے خاص طور پر بالڈ کیپ کا استعمال کیا اور ایسے مناظر کی عکس بندی کی جن میں کینسر کے مریضوں کی روزمرہ مشکلات اور جدوجہد کو مؤثر انداز میں دکھایا گیا۔
View this post on Instagram
بختاور مظہر کے مطابق یہ کردار ان کیلئے جذباتی طور پر بہت اہمیت رکھتا ہے، کیونکہ ان کے قریبی خاندان کے 4 افراد اس بیماری کے باعث وفات پا چکے ہیں جبکہ ان کے 2 کم عمر کزن اب بھی اسی مرض کا مقابلہ کر رہے ہیں، اسی وجہ سے وہ اس کردار میں زیادہ سچائی لانا چاہتی تھیں۔
انہوں نے مصنف اور ہدایتکار کی بھی تعریف کی جنہوں نے اس حساس موضوع کو گہرائی سے سمجھتے ہوئے اسے اس انداز میں پیش کیا کہ اس کی نزاکت برقرار رہی اور عوام کو بھی سمجھنے میں مدد ملی۔ خیال رہے کہ سوشل میڈیا صارفین نے بختاور مظہر کی حقیقی اور جاندار اداکاری کی کھل کر تعریف کی ہے۔
