گوگل نیوز پر ہمیں فالو کریںلاہور میں پاکستان کی نئی اور منفرد ہارر ایکشن فلم زومبیڈ کی تشہیری مہم کے دوران شائقین میں غیر معمولی جوش و خروش دیکھا گیا، فلم کے ہیرو فہد مصطفیٰ اور مہوش حیات کی آمد پر مداحوں نے پرتپاک استقبال کیا۔
تفصیلات کے مطابق جیو فلمز اور فلم والا پکچرز کے بینر تلے بننے والی زومبیڈ کے فنکاروں کے ساتھ سیلفیز اور ملاقات کیلئے فلم بینوں کا ہجوم امڈ آیا۔ اس موقعے پر گفتگو کرتے ہوئے اداکار فہد مصطفیٰ نے کہا کہ زومبیڈ فلم نہیں بلکہ پاکستانی سینما کیلئے نئے تجربے کا آغاز ہے۔
View this post on Instagram
گفتگو کے دوران فہد مصطفیٰ نے کہا کہ اس فلم میں ملک کے مختلف ثقافتی رنگ بھی دیکھے جاسکتے ہیں، بلکہ فلم میں سندھی، پنجابی اور پشتون سمیت ہر قسم کے زومبی دیکھنے کو ملیں گے، جو اسے دیگر عالمی زومبی فلموں سے منفرد بنانے کیلئے ہیں۔
View this post on Instagram
دوسری جانب اداکارہ مہوش حیات کا کہنا تھا کہ فلم کے دیسی زومبیز مغربی زومبیز سے زیادہ تیز اور خطرناک ہیں کیونکہ وہ آواز سنتے ہی حملہ کردیتے ہیں۔ فلم میں خوف، سنسنی، مزاح اور رومانس کا امتزاج پاکستانی ناظرین کیلئے بالکل نیا تجربہ ثابت ہوگا۔
واضح رہے کہ ہدایت کار نبیل قریشی اور پروڈیوسر و مصنفہ فضا علی مرزا کی یہ فلم پاکستانی سنیما کی پہلی بڑے پیمانے کی مین اسٹریم زومبی تھرلر قرار دی جارہی ہے۔ فلم کی کہانی کراچی میں ایک پراسرار وائرس کے پھیلاؤ کے گرد گھومتی ہے، جو ایک جم سے شروع ہو کر زومبی تباہی کی شکل اختیار کر لیتا ہے۔
