سندھ میں گزشتہ 24 گھنٹوں میں کورونا وائرس سے 69 افراد صحتیاب ہوگئے

کراچی: ترجمان سندھ حکومت بیرسٹر مرتضیٰ وہاب کے مطابق کورونا وائرس سے متاثرہ افراد میں سے گزشتہ 24 گھنٹوں کے دوران 69 افراد صحتیاب ہو گئے ہیں۔

سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ آج صبح 8 بجے تک کورونا وائرس کے 11 ہزار 623 ٹیسٹ کیے گئے۔

ترجمان سندھ حکومت بیرسٹر مرتضیٰ وہاب نے کہا کہ ٹیسٹ کے بعد سندھ میں 1 ہزار 128 افراد کے کورونا وائرس سے متاثر ہونے کی تصدیق ہوئی۔

بیرسٹر مرتضیٰ وہاب نے کہا کہ اب تک سندھ میں کورونا وائرس کے باعث 21 افراد جان کی بازی ہار گئے ہیں جبکہ مجموعی طور پر 349 افراد وائرس سے صحتیاب ہوئے۔

The following information is relevant to assess the situation of #COVIDー19 in Sindh as of 9th April at 8 AM:

Total Tests 11623
Positive Cases 1128
Recovered Cases 349
Deaths 21

In the last 24 hours, 69 people have recovered from corona in Sindh

— Murtaza Wahab Siddiqui (@murtazawahab1) April 9, 2020

یاد رہے کہ اس سے قبل پاکستان تحریکِ انصاف کے رکنِ سندھ اسمبلی عدیل احمد نے کہا کہ سندھ میں کورونا وائرس کے ٹیسٹ اس لیے کم کیے گئے ہیں تاکہ کیسز کم نکلیں۔

سماجی  رابطے کی ویب سائٹ ٹوئٹر پر اپنے پیغام میں رکنِ سندھ اسمبلی نے چیئرمین پیپلز پارٹی پر تنقید کرتے ہوئے کہا کہ بلاول زرداری فرماتے ہیں کہ جب زیادہ ٹیسٹنگ ہوتا ہے تو زیادہ کورونا آتا ہے۔ 

مزید پڑھیں: ٹیسٹ اس لیے کم کیے گئے تاکہ کیسز کم نکلیں۔تحریکِ انصاف