ماہرہ خان کا بریک، مایا علی سوشل میڈیا پر دوبارہ فعال ہوگئیں

کراچی:معروف اداکارہ ماہرہ خان نے خود کو سوشل میڈیا سے علیحدہ کرنے کا اعلان کردیا، جبکہ کچھ عرصہ قبل عارضی دوری اختیار کرنے والی ادارکارہ مایا علی پھر سے سوشل میڈیا پر فعال ہوگئی ہیں۔

ٹوئیٹر پر اپنے ایک پیغام میں ماہرہ خان نے کہاکہ وہ کچھ عرصے کے لیے سوشل میڈیا سے علیحدہ ہورہی ہیں۔ماہرہ نے مزید لکھا کہ ان وقتوں میں صبر، شکر اور توکل کو یاد رکھیں۔

دوسری جانب عارضی طور پر سوشل میڈیا سے دوری اختیار کرنے والی اداکارہ مایا علی ایک بار پھر سوشل میڈیا پر واپس آگئی ہیں۔اداکارہ مایا علی نے 7 اپریل کو سوشل میڈیا سے بریک لینے کا اعلان کیا تھا۔

 

View this post on Instagram

 

Lo Jee aa gaie me… I hope all of you are spending your ramadan safe and at home with your loved ones. May ALLAH keep you all safe from the corona virus and give us strength to get through this. This time shall pass too, Insha ALLAH. Meanwhile don’t forget those people who need you the most at this time.????

A post shared by Maya Ali (@official_mayaali) on Apr 29, 2020 at 4:24am PDT

معروف اداکارہ مایا علی نے اپنے چاہنے والوں کو سوشل میڈیا سے بریک لینے کی یہ وجہ بتائی تھی کہ وہ ‘اپنے اندر کے سکون کو تلاش کرنے اور پورے نظام کو دوبارہ ترتیب دینے کے لیے یہ بریک لے رہی ہیں۔

تاہم اب ان کا یہ بریک ختم ہوگیا ہے اور انہوں نے انسٹاگرام پر پوسٹ ڈالی ہے جس میں لکھا ہے کہ (لو جی آگئی میں)، مجھے امید ہے کہ آپ سب بھی اپنے گھر والوں کے ساتھ حفظ و امان میں رمضان گزار رہے ہوں گے۔انہو ں نے اپنے چاہنے والوں کے لئے نیک تمناؤں کا اظہار بھی کیا۔