گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے اطلاعات و نشریات اور سی پیک پروگرام کے سربراہ لیفٹیننٹ جنرل (ر) عاصم سلیم باجوہ نے کہا ہے کہ سکھر حیدر آباد موٹر وے حکومت کا سندھ کیلئے ایک انقلابی اقدام ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی عاصم سلیم باجوہ نے کہا کہ 306 کلومیٹر طویل سکھر حیدر آباد موٹر وے (ایم 6) کی منظوری ایکنک میں بی او ٹی کی بنیاد پر دی گئی جسے فِن ماڈل کے تحت ترجیح حاصل ہے جبکہ یہ سندھ کیلئے انقلابی قدم ثابت ہوگا۔
معاونِ خصوصی لیفٹیننٹ جنرل (ر) عاصم سلیم باجوہ نے کہا کہ یہ اقدام اندرونِ سندھ کیلئے تعمیراتی ترقی اورسماجی و اقتصادی انقلاب لائے گا۔ پشاور کراچی مشرقی راستہ مشرقی بلوچستان کو موٹر وے کے نیٹ ورک سے ملا دے گا جس سے سندھ پر خوشگوار اثرات مرتب ہوں گے۔
306 KMs Sukkur-Hyderabad Motorway(M-6)approved in ECNEC on BOT basis(preferred fin model),will contribute to construction boom,socio-economic revolution for interior Sind,Complete Psr-Kci Eastern Route,also link East Balochistan to entire Motorway network #pakistanmakingprogress
— Asim Saleem Bajwa (@AsimSBajwa) July 18, 2020
