حکومتی اقدامات کے باعث چینی 20 روپے فی کلو سستی ہوگئی، وزیراعظم

اسلام آباد:وزیراعظم عمران خان نے کہا ہے کہ حکومتی اقدامات سے چینی 20 دن میں 20 روپے فی کلو سستی ہوگئی۔

وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ درآمدی چینی کی کنٹرول نرخوں پر تقسیم اور کرشنگ سیزن کا بروقت آغاز بھی یقینی بنایا گیا۔

Due to effective intervention by Govt, ex-mill price of sugar is down by Rs 20/kg within 20 days. Distribution of imported sugar at control rates & timely start of crushing season also ensured. I have asked provinces to ensure fair & swift cane payments are made to farmers.

— Imran Khan (@ImranKhanPTI) December 2, 2020

وزیر اعظم عمران خان کا مزید کہنا تھا کہ صوبوں کو ہدایت کی گئی ہے کہ گنے کے کاشت کاروں کو مناسب اور جلد ادائیگی یقینی بنائی جائے۔تاکہ کسی قسم کوئی رکاوٹ پیدا نہ ہوسکے۔

دوسری جانب وزیر اعظم عمران خان نے کہا ہے کہ سپریم کورٹ کو بلین ٹری کے تمام منصوبوں کے بارے میں آگاہ کیا جائے۔ بلین ٹری سونامی منصوبہ کے متعلق سپریم کورٹ کے احکامات کے معاملے پر وزیر اعظم عمران خان نے معاون خصوصی ملک امین اسلم سے ملاقات کی۔

وزیر اعظم عمران خان نے بلین ٹری منصوبے سے متعلق تمام تفصیلات عدالت کو فراہم کرنے کی ہدایت کر دی۔عمران خان نے کہا کہ اعلیٰ عدلیہ کو نئی نسل کی فکر ہے، جو انتہائی خوش آئند ہے۔وزیر اعظم نے کہا کہ عدالت عظمیٰ کی ہدایات کی روشنی میں بلین ٹری منصوبہ زیادہ بہتر ہوگا۔