گوگل نیوز پر ہمیں فالو کریںلاہور میں اسمارٹ لاک ڈاؤن نافذ کردیا گیا ہے جس کے تحت دفاتر، کاروبار اور اجتماعات پر پابندی عائد جبکہ عوامی نقل و حرکت محدود کردی گئی ہے۔
ڈپٹی کمشنر لاہور نے سماجی رابطے کی ویب سائٹ ٹوئٹر پر اپنے پیغام میں کہا کہ کورونا وائرس کے بڑھتے ہوئے کیسز کے پیشِ نظر لاہور کے مزید 55 علاقوں میں اسمارٹ لاک ڈاؤن نافذ کیا جارہا ہے۔
پیغام میں ڈی سی لاہور نے کہا کہ لاک ڈاؤن والے علاقوں میں تمام شاپنگ مالز، ریسٹورنٹس، نجی اور سرکاری دفاتر بند رہیں گے اور ہر قسم کے اجتماعات پر مکمل پابندی عائد رہے گی۔
انہوں نے کہا کہ علاقہ مکینوں کی نقل و حرکت محدود ہوگی۔ انتہائی ضرورت کے پیشِ نظر ایک فرد صرف ایک سواری استعمال کرسکے گا۔ بلا ضرورت آمد و رفت پر بھی پابندی عائد ہے۔
— Deputy Commissioner Lahore (@DCLahore) December 9, 2020
یاد رہے کہ اِس سے قبل کراچی میں ضلع غربی کے 5 سب ڈویژنز میں کورونا وائرس کی روک تھام اور ایس او پیز کی پابندی کیلئے مائیکرو اسمارٹ لاک ڈاؤن نافذ کردیا گیا۔
کورونا وائرس کے بڑھتے ہوئے کیسز کے پیشِ نظر ضلع غربی میں شہری انتظامیہ نے اسمارٹ لاک ڈاؤن نافذ کرتے ہوئے غیر ضروری خریدوفروخت پر 4 روز قبل پابندی عائد کردی تھی۔
مزید پڑھیں: ضلع غربی کراچی کے 5 سب ڈویژنز میں مائیکرو اسمارٹ لاک ڈاؤن نافذ
