راولپنڈی: سپہ سالار جنرل قمر جاوید باجوہ سے افغانستان کے لیے امریکی نمائندہ خصوصی زلمے خلیل زاد کی اہم ملاقات ہوئی۔
پاک فوج کے شعبہ تعلقات عامہ (آئی ایس پی آر) کے بیانئے میں کہا گیا ہے کہ پاک فوج کے سربراہ جنرل قمر جاوید باجوہ سے زلمے خلیل زاد نے اہم ملاقات کی، ملاقات میں افغانستان میں کمانڈر ریزولوٹ فورس جنرل آسٹن ملر بھی ملاقات میں موجود تھے۔
آئی ایس پی آر کے بیان کے مطابق ملاقات کے دوران جاری افغان امن عمل پر بھی تبادلہ خیال کیا گیا، ملاقات میں باہمی دلچسپی کے امور، علاقائی سیکیورٹی کی صورتحال بھی زیر غور آئی۔
آئی ایس پی آر کے مطابق افغانستان کے لیے امریکی نمائندہ خصوصی زلمے خلیل زاد نے ملاقات کے دوران امن و امان کے لئے کی گئی پاکستان کی کوششوں کی تعریف کی۔
گوگل نیوز پر ہمیں فالو کریں
