گوگل نیوز پر ہمیں فالو کریںکراچی: پاکستان سپر لیگ ( پی ایس ایل ) 6 کی ٹرافی کی نقاب کشائی 20 کو متوقع ہے ۔ پی سی بی حکام نے فائنل کے لیے ابتدائی طور پر یہی تاریخ تجویز کی ہے۔
کراچی میں منعقدہ پاکستان سپر لیگ 6 کو ایونٹ کے 14 میچز کے بعد ملتوی کردیا گیا تھا جس کی وجہ کھلاڑیوں میں کورونا کی تشخیص بتائی جاتی ہے۔
پاکستان کرکٹ بورڈ (پی سی بی) کے حکام نے گذشتہ دنوں فرنچائز مالکان سے ملاقات کی جس کے بعد جون میں بقایا 20 میچز کے انعقاد کا فیصلہ کیا گیا تاہم اس حوالے سے مزید تبادلہ خیال جاری ہے۔
ذرائع کا کہنا ہے کہ پی سی بی کی جانب سے 2 مجوزہ شیڈول ٹیم مالکان کو ارسال کیے گئے ہیں، وہ ان پر اپنی رائے دیں گے جس کے بعد حتمی فیصلہ ہوگا، ایک شیڈول میں دن میں 2 میچز کا تجویز کیا گیا ہے جبکہ دوسرے میں ہفتے کے 5 دن ایک میچ ہو گا جبکہ ہفتے اور اتوار کو 2 ،2 مقابلے ہوں گے۔
یہ بھی پڑھیں: ویرات کوہلی اورانوشکا کے محبت بھرے لمحات کی تصاویر سوشل میڈیا پر وائرل
