وزیراعظم عمران خان نے بھی کورونا ویکسین لگوالی

اسلام آباد: صدر مملکت ڈاکٹر عارف علوی کے بعد وزیراعظم عمران خان بھی کورونا ویکسین لگوانے والوں کی صف میں شامل ہوگئے۔

واضح رہے کہ کورونا وائرس کے بڑھتے ہوئے کیسز کے پیش نظر ملک بھر میں 60 سال اور زائد عمر کے افراد کو کورونا ویکسین لگائے جانے کا عمل جاری ہے اور صدر مملکت ڈاکٹر عارف علوی سمیت متعدد شخصیات کورونا ویکسین لگوا چکے ہیں۔

وزیر اعظم عمران خان نے کورونا ویکسین لگوا لی۔

اس موقع پر وزیر اعظم نے قوم سے اپیل کی کہ کورونا کی تیسری لہر کے پیش نظر ایس اوپیز پر مکمل عمل درآمد کو یقینی بنایا جائے

ملک بھر میں کورونا ویکسین لگانے کی مہم جاری ہے pic.twitter.com/jZttUIYXLL

— Prime Minister's Office (@PakPMO) March 18, 2021

اب وزیراعظم عمران خان نے بھی کورونا ویکسین لگوا لی ہے، وزیراعظم نے کورونا ویکسین اسلام آباد میں لگوائی۔واضح رہے ملک میں پہلے مرحلے میں ڈاکٹرز کو کورونا ویکسین لگائی گئی تھی۔

وزیراعظم عمران خان نے کورونا ویکسین لگوانے کے موقع پر قوم سے اپیل کرتے ہوئے کہا کہ وبا کی تیسری لہر کے پیش نظر ایس او پیز پر مکمل عمل درآمد کو یقینی بنایا جائے۔تاکہ وباء پر جلد از جلد قابو پایا جاسکے۔

مزید پڑھیں: کورونا کیسز میں اضافہ، اسد عمر نے سخت پابندیوں کا عندیہ دے دیا