گوگل نیوز پر ہمیں فالو کریںاسلام آباد: وفاقی وزیر منصوبہ بندی اسد عمر کا کہنا ہے کہ نئی کورونا لہر کی وجہ سے کیسز میں تیزی سے اضافہ ہورہا ہے جس کی بنا پر حکومت عوامی سرگرمیوں پر سخت پابندیاں لگانے کی جانب جاسکتی ہے۔
وفاقی وزیر اور نیشنل کمانڈ اینڈ آپریشن سینٹر ( این سی او سی ) کے سربراہ اسد عمر نے اپنے ٹوئٹر پیغام میں خبردار کیا کہ کووڈ کے مثبت کیسز میں تیزی سے اضافہ ہوا ہے، اسپتالوں میں روزانہ کی بنیاد پر کثیر مریض داخل ہو رہے ہیں ، انتہائی نگہداشت والے مریضوں کی تعداد میں بھی تیزی سے اضافہ ہورہا ہے۔
Sharp spike in covid positivity. Hospital daily admissions & people in critical care rising fast. If sop compliance does not improve, we will be forced to place stronger restrictions on activities. Please be very very careful. The new strain spreads faster and is more deadly.
— Asad Umar (@Asad_Umar) March 18, 2021
وفاقی وزیر اسد عمر نے انتباہ کرتے ہوئے شہریوں سے درخواست کی ہے کہ وہ کورونا ایس او پیز پر عمل درآمد کو بہتر بنائیں تاکہ کورونا کیسز پر قابو پایا جاسکے ۔ ان کا کہنا تھا بصورت دیگر ہم سخت پابندیاں لگانے پر مجبور ہوں گے۔
اسد عمر نے اپیل کرتے ہوئے شہریوں سے کہا ہے کہ نئی کورونا لہر انتہائی خطرناک ہے اس لیے احتیاطی تدابیر پر اتنا ہی بہتر طریقے سے عمل کیا جائے۔
اس سے قبل وفاقی وزیر اسد عمر کی زیر صدارت ہونے والے نیشنل کمانڈ اینڈ آپریشن سینٹر ( این سی او سی ) میں شہریوں کی جانب سے کورونا ایس او پیز پر عمل نہ کرنے حوالے سے شدید تحفظات کا اظہار کیا گیا۔
یہ بھی پڑھیں: دُنیا بھر میں کورونا وائرس سے 12 کروڑ 18لاکھ افراد متاثر، 26 لاکھ 92ہزارہلاک
