گوگل نیوز پر ہمیں فالو کریںریاض:سعودی وزارت داخلہ نے کہا ہے کہ مسجدالحرام اور اطراف کے مقامات اور مشاعرمقدسہ (منی، مزدلفہ اور عرفات)میں اجازت نامے کے بغیر جانے کی کوشش پر جرمانہ عائد کیا جائے گا۔
سعودی عرب کی سرکاری خبر رساں ایجنسی کے مطابق وزارت داخلہ کے ایک عہدہ دار نے بتایا کہ ایام حج میں المسجدالحرام،اس کے آس پاس کے مقامات اور مشاعرمقدسہ (منی، مزدلفہ اورعرفات) میں جانے کے لیے مجاز حکام کا جاری کردہ اجازت نامہ ضروری ہوگا۔
وزارت داخلہ کے ترجمان کا کہنا ہے کہ 5 جولائی سے 23 جولائی تک یہ پابندی نافذالعمل ہوگی۔اس کی خلاف ورزی کے مرتکبین پر دس ہزار ریال جرمانہ عاید کیا جائے گا۔
وزارت داخلہ کے ترجمان نے تمام سعودی شہریوں اور مقیم غیرملکیوں کو ہدایت کی کہ وہ حج موسم سے متعلق سرکاری ہدایات کی پاسداری کریں۔
مزید پڑھیں: اسرائیل کی نئی حکومت کا مسجد اقصیٰ کا انتظام سعودی عرب کو دینے پر غور
