پاکستان سے دوسرا سی ون تھرٹی طیارہ امداد لیکر قندھار پہنچ گیا

کابل : پاکستان سے دوسرا سی ون تھرٹی طیارہ امداد لیکر قندھار پہنچ گیا، ڈائریکٹر چیمبر آف کامرس افغانستان نصر اللہ ظہیر نے امدادی سامان وصول کیا۔

پاکستانی سفیر منصوراحمدخان نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان سے آج دوسرا سی ون تھرٹی طیارہ امدادلیکر افغان شہر قندھار پہنچ گیا جبکہ ڈائریکٹر چیمبر آف کامرس افغانستان نصر اللہ ظہیر نے امدادی سامان وصول کیا۔پاکستانی سفیر کاکہنا ہے کہ پاکستان مشکل وقت میں افغان عوام کیساتھ کھڑ اہے۔

The second C-130 brought a relief goods consignment from Pakistan today at Kandahar airport. Pakistan stands in solidarity with the people in this hour of their need ⁦@SMQureshiPTI⁩ ⁦@fawadchaudhry⁩ ⁦@ForeignOfficePk⁩ ⁦@FMPublicDiploPK⁩ ⁦@PakinAfg⁩ pic.twitter.com/S5X9Kl9y9Z

— Mansoor Ahmad Khan (@ambmansoorkhan) September 10, 2021

واضح رہے کہ پاکستان کے وزیر خارجہ شاہ محمود قریشی نے دنیا کو پیغام دیا ہے کہ طالبان کی جانب سے کیے گئے وعدوں کو پورا کرنا دنیا بھر میں ان کے لیے خیر سگالی کے جذبات پیدا کرنے کا ذریعہ ہوگا۔ اگر طالبان دنیا کی توقعات پر پورا اترتے ہیں تو وہ اپنی اور ملک کے لئے سہولیات حاصل کرنے کا سبب بنیں گے۔

مزید پڑھیں:کابل میں خواتین کا مظاہرہ، کوریج پر گرفتار ہونے والے 2صحافیوں پر پولیس کا بد ترین تشدد

وزیر خارجہ شاہ محمود قریشی کاکہنا ہے کہ دنیا کو افغانستان کی غیر مشروط مدد کرنی چاہیے تاکہ افغانستان کے عوام کو کوئی پریشانی نہ ہو۔

طالبان کا یہ بیان کہ افغان سرزمین کسی کے خلاف استعمال نہیں ہو گی خوش آئند ہے اور طالبان اپنی سرزمین کو بیرون دنیا کے خلاف استعمال کرنے سے روک سکتے ہیں۔