پاک بھارت میچ سے قبل میلبرن اسٹیڈیم کے باہر رنگا رنگ میلہ، آئمہ بیگ کی اسٹیج پرفارمنس

ٹی 20 ورلڈ کپ کے ہائی وولٹیج پاکستان انڈیا میچ سے قبل آسٹریلیا کے شہر میلبرن میں دونوں ملکوں سے تعلق رکھنے والے افراد نے الگ ہی رنگ جمائے رکھا۔

میلبرن کرکٹ گراؤنڈ کے باہر پاکستانی کیمونٹی نے اہم میچ سے قبل کنسرٹ منعقد کیا تو اسے سلام فیسٹیول کا نام دیا۔ تقریب میں مردوخواتین شریک ہوئے تو پاکستان سے آسٹریلیا پہنچنے والی گلوکارہ آئمہ بیگ نے خوب سربکھیرے۔

میلبورن کرکٹ اسٹیدیم کے باہر گرما گرم ماحول ،آئمہ بیگ کی شاندار پرفارمنس پر شائقین جھوم اٹھے ،پاکستانی کمیونٹی کی طرف سے اسٹیڈیم کے باہر میچ فیسٹول کا اہتمام @cricketpakcompk @T20WorldCup @babarazam258 #aimabaig #PakVsInd #australia pic.twitter.com/QofZqpsfuD

— Abdul Rehman Raza (@abdulrehmanraza) October 22, 2022

آئمہ بیگ کے علاوہ دیگر گلوکاروں نے بھی اپنی آواز کا جادو جگایا تو دیکھنے اور سننے والوں کو جھومنے پر مجبور کردیا۔

دوسری جانب انڈین کرکٹ فینز جمع ہوئے تو ٹیم کی کٹ میں ملبوس گنگناتے دکھائی دیے۔

میلبرن کرکٹ سٹیڈیم میں دوسرے روز بھی پاکستانی ٹیم نے پریکٹس سیشن منعقد کیا تو فینز نے جہاں گزشتہ روز چوٹ کھانے والے شان مسعود کو فٹ دیکھ کر اطمینان کا سانس لیا وہیں موسم کے بدلتے تیور دیکھ کر بھی یہ تسلی ہوئی کہ اب شاید بارش میچ خراب نہ کرسکے۔

پاکستانی کمیونٹی کی طرف سے میلبرن میں بھارت کے خلاف میچ سے پہلے جشن…
سلام فیسٹیول کا اہتمام کیا گیا…. بڑی تعداد میں کمیونٹی میلبرن گراونڈ کے باہر موجود کنسرٹ انجوائے کررہے ہیں#Melbourne #PakistanCricket #PakVsInd #PakVsIndia pic.twitter.com/uup2ZlHAfR

— Qadir Khawaja (@iamqadirkhawaja) October 22, 2022

کرکٹ فینز کے درمیان یہ بحث بھی ہوئی کہ میلبرن کرکٹ گراؤنڈ میں اتوار 23 اکتوبر کو کس ملک سے تعلق رکھنے والے افراد کی اکثریت ہو گی۔

میر انصارالحق نے اندازہ ظاہر کیا کہ میدان کی 75 فیصد گنجائش نیلے پیرہن پہننے والے سے بھری ہو گی۔

میلبرن کرکٹ گراؤنڈ کے باہر موجود پاکستانی کرکٹ فینز میں سے دو کی ایک ویڈیو وائرل ہوئی جو میچ کے ممکنہ نتیجے کا ذکر کرتے ہوئے انڈین میڈیا کے ردعمل کی نقل اتارتے دکھائی دیے۔

The usual before the #IndvsPak – at the MCG #T20WConSportsTak pic.twitter.com/xN9EkTHAD4

— Vikrant Gupta (@vikrantgupta73) October 22, 2022

دونوں ملکوں سے تعلق رکھنے والے کرکٹ فینز تو اپنی اپنی ٹیموں کی جیت کی توقع ظاہر کرتے ہوئے مخالف ٹیم کو طعنوں کا نشانہ بنا رہے ہیں لیکن ورلڈ کپ کی کوریج کے لیے آسٹریلیا میں موجود پاکستانی اور انڈین صحافی بھی کسی سے پیچھے نہیں رہے۔

انڈین صحافی اویناش آریان نے پاکستانی بولرز کی تصویر شیئر کرتے ہوئے لکھا کہ ’ڈر کیوں رہے ہو بھائی‘ تو جواب میں پاکستانی اسپورٹس جرنلسٹ ارسلان جٹ نے یہی کام انڈین کرکٹرز کے ساتھ کرتے ہوئے کیپشن جمایا کہ ’ڈر کس بات کا۔‘

اعجاز وسیم نے پاکستان، انڈیا میچ سے ایک روز قبل میلبرن کرکٹ سٹیڈیم کے اندر کی مختصر ویڈیو شیئر کرتے ہوئے اپنے تبصرے میں لکھا کہ ’ایم سی جی، پاک انڈیا میچ کی چاند رات۔‘

آسٹریلیا میں جاری ٹی 20 ورلڈ کپ کے گروپ بی کا اہم میچ اتوار کو روایتی حریفوں پاکستان اور انڈیا کے درمیان کھیلا جائے گا۔ دونوں ٹیموں کے درمیان میچ پاکستان کے معیاری وقت کے مطابق دوپہر ایک بجے کھیلا جائے گا۔

قبل ازیں سنیچر کو پاکستانی کپتان بابراعظم نے پریس کانفرنس میں بتایا تھا کہ فخر زمان مکمل فٹ نہیں ہے تاہم انڈیا کے خلاف میچ میں شان مسعود کھیلیں گے۔

میلرب کے موسم کے متعلق خدشہ ظاہر کیا گیا ہے کہ اتوار کی صبح اور شام میں بارش ہو سکتی ہے جس سے ٹی 20 ورلڈ کپ کا یہ ہائی وولٹیج میچ متاثر ہو سکتا ہے۔