گوگل نیوز پر ہمیں فالو کریںکراچی میں ڈمپر ٹرکوں کے متعدد حادثات کے بعد ایک اور واقعہ پیش آیا ہے جب جمعرات کو ڈیفنس روڈ کے قریب ایک ڈمپر ایک بنگلے سے جا ٹکرایا۔
پولیس کے مطابق اس حادثے میں بنگلے کی باونڈری وال کو نقصان پہنچا جبکہ ڈرائیور اور کلینر دونوں زخمی ہوئے۔ ڈرائیور نے دعویٰ کیا کہ حادثے کی وجہ بریک فیل ہونا تھا، جس کے بعد اسے حراست میں لے لیا گیا ہے۔
گزشتہ چند مہینوں میں تیز رفتاری سے چلنے والے ڈمپر ٹرکوں کی وجہ سے ہونے والے حادثات میں متعدد افراد جاں بحق اور زخمی ہو چکے ہیں۔
ایک حالیہ رپورٹ کے مطابق کراچی میں گزشتہ 132 دنوں کے دوران بھاری گاڑیوں کے ٹکراؤ کی وجہ سے کم از کم 110 افراد جان کی بازی ہار چکے ہیں۔
کمشنر کراچی سید حسن نقوی نے تمام بھاری گاڑیوں بشمول ڈمپر، واٹر ٹینکر اور آئل ٹینکرز پر کیمرے اور ٹریکنگ سسٹمز لگانے کا حکم بھی جاری کیا ہے تاکہ ایسے حادثات کو روکا جا سکے۔
