مویشیوں سے بھرا ہوا ٹریلر الٹ گیا، 300 بکریاں موقع پر ہی ہلاک

سندھ میں قاضی احمد قومی شاہراہ ٹول پلازہ کے قریب مویشوں سے بھرا ٹریلر الٹ گیا، حادثےمیں 300 بکریاں ہلاک ہو گئیں۔

نجی ٹی وی کے مطابق نواب شاہ میں قومی شاہراہ قاضی احمد ٹول پلازہ کے قریب مویشیوں سے بھرا ٹریلر اُلٹ گیا، حادثے میں300 سے زائد بھیڑ اور بکریاں ہلاک ہوگئیں جبکہ ٹریلر میں سوار 5 افراد بھی زخمی ہوئے۔

ریسکیو حکام کا کہنا ہے کہ زخمیوں کو فوری طور پر تحصیل ہیڈ کوارٹرز ہسپتال منتقل کردیا گیا، ٹریلر حیدرآباد سے پنجاب جا رہا تھا۔