سنگین الزامات اور علیحدگی کا فیصلہ، عامر لیاقت نے دانیہ شاہ کو اَن فالو کردیا

کراچی: پی ٹی آئی کے منحرف رکنِ قومی اسمبلی اور ٹی وی میزبان عامر لیاقت حسین نے سنگین الزامات اور علیحدگی کے فیصلے کے بعد اپنی تیسری اہلیہ دانیہ شاہ کو سوشل میڈیا پر اَن فالو کردیا ہے۔

تفصیلات کے مطابق گزشتہ روز عامر لیاقت حسین کی تیسری اہلیہ نے اپنے سوشل میڈیا پیغام میں بتایا کہ انہوں نے خلع کیلئے عدالت سے رجوع کیا ہے، انہوں نے عدالت کو دی گئی درخواست میں ان پر سنگین الزامات عائد کیے۔

یہ بھی پڑھیں:

میں شرابی یا نشے کا عادی نہیں۔ عامر لیاقت نے اہلیہ کے الزامات مسترد کردئیے

دانیہ شاہ کا کہنا تھا کہ عامر لیاقت حسین نشے کے عادی ہیں، آئے روز تشدد کا نشانہ بناتے ہیں، مارپیٹ کرتے ہیں، انہوں نے مجھے نازیبا ویڈیوز بنانے پر مجبور کیا۔ وہ جیسے نظر آتے ہیں، ویسے ہیں نہیں۔ 

دوسری جانب عامر لیاقت حسین نے بھی دانیہ شاہ کے الزامات کی تردید کرتے ہوئے متعدد وائس نوٹس جاری کیے اور قرار دیا کہ حق مہر کے حوالے سے دانیہ شاہ کا دعویٰ جھوٹا ہے۔ ایک اسٹوری میں اپنی سابقہ 2 بیویوں کی تعریف بھی کی۔

انسٹاگرام اسٹوری میں عامر لیاقت حسین کا کہنا ہے کہ گو کہ میں نے دونوں کو طلاق نہیں دی، تاہم وہ دونوں ہی غیرت مند اور باحیا تھیں، میری عزت کی حفاظت کرتی رہیں۔ پہلے میرا نام ہٹانے کے بعد طلاق کا مطالبہ کیا۔

اپنی تیسری اہلیہ کو تنقید کا نشانہ بناتے ہوئے رکنِ قومی اسمبلی عامر لیاقت حسین نے کہا کہ تم کتنی بہادر ہو کہ 15سال کی عمر میں طلاق لینے چل پڑیں؟ تم نے 4ماہ میں سے 1 ماہ میں بڑی عمر گزارلی۔ جاؤ تمہیں اَن فالو کیا۔