گوگل نیوز پر ہمیں فالو کریںتہران: ایرانی وزیر خارجہ عباس عراقچی نے کہا ہے کہ پاکستان کا دورہ نتیجہ خیز رہا، جبکہ امریکا کی سفارتی سنجیدگی دیکھنا ابھی باقی ہے۔
سماجی رابطے کی ویب سائٹ ایکس (سابقہ ٹوئٹر) پر جاری بیان میں ایرانی وزیر خارجہ عباس عراقچی نے کہا کہ حالیہ دورہ پاکستان انتہائی نتیجہ خیز رہا۔ قیام امن کیلئے پاکستانی قیادت کی کاوشوں کو خراجِ تحسین بھی پیش کیا۔
Very fruitful visit to Pakistan, whose good offices and brotherly efforts to bring back peace to our region we very much value.
Shared Iran’s position concerning workable framework to permanently end the war on Iran. Have yet to see if the U.S. is truly serious about diplomacy.
— Seyed Abbas Araghchi (@araghchi) April 25, 2026
اپنے بیان میں ایرانی وزیر خارجہ نے کہا کہ ایران خطے میں امن قائم کرنے کیلئے پاکستان کی معاونت اور برادرانہ کاوشوں کو انتہائی قدر کی نگاہ سے دیکھتا ہے۔ ایران نے جنگ کے مستقل خاتمے کیلئے اپنا قابل عمل فریم ورک شیئر کردیا ہے۔
خیال رہے کہ 28فروری کو اسرائیل اور امریکا کے حملوں سے شروع ہونے والی ایران جنگ کے بعد آبنائے ہرمز کی وقفے وقفے سے بندش نے عالمی معیشت کی کمر توڑ دی ہے۔ وزیر خارجہ عباس عراقچی نے کہا کہ دیکھنا یہ ہے کہ امریکا سفارت کاری میں کتنا سنجیدہ ہے۔
دوسری جانب ایرانی خبر رساں ایجنسی آئی آر این اے نے وزارتِ خارجہ کے حوالے سے رپورٹ کیا کہ وزیر خارجہ عباس عراقچی عمان کے دورے کی تکمیل کے بعد روس روانگی سے پہلے ایک بار پھر اسلام آباد پہنچیں گے۔
آئی آر این اے کے مطابق ایرانی وفد کا ایک حصہ جنگ کے خاتمے سے متعلق ضروری امور پر مشاورت کی غرض سے تہران واپس پہنچ چکا ہے۔ یہ نمائندے اتوار کی رات اسلام آباد میں ایک بار پھر عباس عراقچی سے ملاقات کریں گے۔
