حیدر آباد ہائی وے پر کار اور ٹرک کا تصادم، 2 خواتین سمیت 5افراد جاں بحق

کراچی: حیدر آباد ہائی وے پر کار اور ٹرک کے مابین خوفناک تصادم کے نتیجے میں 2 خواتین سمیت 5 افراد جاں بحق ہو گئے، پولیس نے ہولناک حادثے کی تفتیش شروع کردی ہے۔

تفصیلات کے مطابق حیدر آباد ہائی وے پر بدین سے تلہار جاتے ہوئے ہنڈا سٹی کار اور ٹرک کے مابین تصادم کے نتیجے میں کار پر سوار 5 افراد موقعے پر جان کی بازی ہار گئے۔ سندھ پولیس کا کہنا ہے کہ حادثہ یوسف شاہ بس اسٹاپ کے قریب پیش آیا۔

یہ بھی پڑھیں:

لاہور، مسافر وین کا ٹریکٹر سے تصادم، ماں اور 2بچوں سمیت 5افراد جاں بحق

جامشورو میں انڈس ہائی وے پر 2 مسافر کوچزکا تصادم، 2 افراد جاں بحق

خوفناک حادثے کے نتیجے میں 5 افراد جاں بحق ہوئے جن میں جان کھٹی، اظہر جتوئی، صاحب ملاح، اہلیہ اور ساس شامل ہیں۔ حادثے کی اطلاع ملنے پر ریسکیو اہلکار اور پولیس اہلکار جائے وقوعہ پر پہنچ گئے اور لاشوں کو نکالا گیا۔ جاں بحق افراد کی میتیں ہسپتال منتقل کردی گئی ہیں۔ 

خیال رہے کہ اس سے قبل سندھ کے شہر جامشورو میں انڈس ہائی وے پر 2 مسافر کوچز کے تصادم کے نتیجے میں 2 افراد جاں بحق جبکہ 15 زخمی ہو گئے تھے۔حادثہ مانجھند کے مقام پر گزشتہ برس دسمبر کے دوران پیش آیا۔ 

 ایس ایس پی جامشورو کا کہنا ہے کہ حادثے میں 2 مسافر جاں بحق جبکہ 15 زخمی ہوئے۔حادثے کا شکار مسافر کوچز میں سے ایک بس لاڑکانہ میں برسی کی تقریب سے واپس کراچی جارہی زخمی افراد کو ہسپتال منتقل کر دیا گیا۔