گوگل نیوز پر ہمیں فالو کریںمصر میں ایک عدالت نے ٹاک ٹاکر خاتون کو دو سال قید کی سزا سنائی ہے جس نے مشہور اداکارہ وفا عامر پر بے بنیاد اور سنسنی خیز الزامات لگائے تھے۔ ٹک ٹاک پر سرگرم مروہ یوسف نے یہ دعویٰ کیا تھا کہ اداکارہ انسانی اعضا کی خرید و فروخت جیسے سنگین جرم میں ملوث ہیں۔
وفا عامر نے یہ معاملہ عدالت تک پہنچایا اور موقف اختیار کیا کہ مروہ یوسف نے جھوٹے بیانات سے ان کی ساکھ کو شدید نقصان پہنچایا۔ سماعت کے دوران مروہ نے اپنے بیان میں تسلیم کیا کہ اس نے یہ الزامات سنے سنائے پر لگائے تھے۔
ٹک ٹاکر نے عدالت کو بتایا کہ یہ باتیں اسے ایک ایسے شخص سے معلوم ہوئیں جو بیک بکس کے نام سے جانا جاتا ہے اور اسکندریہ میں مقیم ہے۔
اس جھوٹے الزام میں فٹبالر ابراہیم شیکا کا نام بھی گھسیٹا گیا جن کی موت کا ذمہ دار بھی وفا عامر کو ٹھہرایا گیا تھا لیکن حقیقت یہ نکلی کہ مذکورہ فٹبالر کئی ماہ سے کینسر کے مرض میں مبتلا تھے اور اپریل 2025 میں انتقال کر گئے۔
عدالتی فیصلے پر ردعمل ظاہر کرتے ہوئے وفا عامر نے فیس بک پر وزارت داخلہ اور عدلیہ کا شکریہ ادا کیا اور کہا کہ انصاف کی فتح ہوئی ہے۔
