گوگل نیوز پر ہمیں فالو کریںرئیلیٹی شو تماشا گھر کے میزبان و اداکار عدنان صدیقی نے دعویٰ کیا ہے کہ سلمان خان نے بگ باس میں اُن کے پروگرام تماشا گھرکے فارمیٹ کو کاپی کیا ہے۔
فوٹواینڈ ویڈیو شیئرنگ ایپ انسٹاگرام پر ایک پوسٹ میں عدنان صدیقی نے ایک صارف کی بنائی گئی تصویر شیئر کی، جس میں حال ہی میں پاکستانی نجی ٹی وی چینل پر نشر ہونے والے ریئلٹی شو ’تماشا‘ اور سلمان خان کے بگ باس شو کی تصویر کولاج کی صورت میں تھی۔
تصویر میں لکھا تھا کہ سلمان خان نے پہلی بار بگ باس ہاؤس میں شرکاء کے ساتھ کھانا کھایا اور ویک اینڈ وار کی میزبانی کی، جیسے عدنان صدیقی نے اپنے شو تماشا میں کی تھی۔
View this post on Instagram
عدنان صدیقی نے سوشل میڈیا پر اس تصویر کو شیئر کرتے ہوئے لکھا کہ میرے ناقدین اور دوستوں میں نے اپنا مقدمہ آپ کے سامنے رکھ دیا ہے۔ اس کے ساتھ ہی انہوں نے غمزدہ ایموجی بنا کر تماشا کا ہیش ٹیگ بھی استعمال کیا۔
اداکار کی یہ پوسٹ سوشل میڈیا پر بہت زیادہ وائرل ہورہی ہے اور صارفین کی بڑی تعداد کی جانب سے اُن کی تائید بھی کی جارہی ہے۔
