گوگل نیوز پر ہمیں فالو کریںکراچی: مہاجر قومی موومنٹ پاکستان کے چیئرمین آفاق احمد نے یکم اگست سے ایک نئی مہم کا آغاز کیا جس کے تحت گاڑیوں کی نمبر پلیٹوں پر قومی پرچم آویزاں کرنے کی ترغیب دی جا رہی ہے۔
انہوں نے کہا ہے کہ شہریوں کو یہ اختیار حاصل ہونا چاہیے کہ وہ اپنی نمبر پلیٹوں پر اجرک یا قومی پرچم میں سے کوئی ایک ڈیزائن منتخب کریں اور انہیں ان لائف ٹائم جاری شدہ پلیٹوں کے لیے دوبارہ کوئی فیس ادا نہ کرنی پڑے۔
آفاق احمد نے اس مہم کو قومی یکجہتی کی علامت قرار دیتے ہوئے کہا کہ مہاجر برادری کی شناخت اور حب الوطنی کو یکجا کرنے کی ضرورت ہے۔
ان کا کہنا تھا کہ اگر اجرک کو سندھ کی ثقافت کی علامت کے طور پر نمبر پلیٹوں میں جگہ دی جا سکتی ہے، تو قومی پرچم کو بھی اس کا مساوی حق ملنا چاہیے۔
Chairman Mohajir Qaumi Movement Afaq Ahmed launched a campaign to place the national flag on number plates from August 1, stating that citizens should have the option to choose between Ajrak or national flag designs and should not be charged again for lifetime-issued plates.… pic.twitter.com/kob3KqofrS
— Times of Karachi (@TOKCityOfLights) August 2, 2025
قبل ازیں آفاق احمد نے کراچی کے مسائل کو اجاگر کرنے کے لیے ایک علیحدہ مہم کا بھی آغاز کیا تھا جس کے تحت گھروں اور گاڑیوں پر سفید پرچم لہرانے کی اپیل کی گئی تھی تاکہ شہر میں امن اور اتحاد کا پیغام عام ہو۔
آفاق احمد نے اس بات کا انکشاف بھی کیا کہ ضلع وسطی میں سب سے زیادہ مہاجر آباد ہیں مگر کسی بھی سیاسی جماعت نے ان کے مسائل کو سنجیدگی سے نہیں لیا۔
انہوں نے کہا کہ ایم کیو ایم پی وہاں اپنا نیا دفتر کھولے گی اور وہ خود بھی وقتی طور پر اس علاقے میں منتقل ہو کر عوام سے براہِ راست رابطہ کریں گے۔
