گوگل نیوز پر ہمیں فالو کریںآسٹریلوی بلے باز گلین میکسویل نے ناقابل یقین بیٹنگ کرتے ہوئے ورلڈ کپ کے 39 ویں میچ میں افغانستان سے فتح چھین لی۔
آسٹریلیا نے میکسویل کی 201 رنز کی شاندار اننگز کی بدولت افغانستان کو 3 وکٹوں سے ہر اکر سیمی فائنل کے لیے کوالیفائی کرلیا۔
گلین میکسویل نے 201 رنز کی اننگز کھیلی، 91 رنز کے مجموعی اسکور پر 7 وکٹیں گرنے کے بعد میکسویل نے ٹانگ میں تکلیف کے باوجود اکیلے ہی گراؤنڈ میں چھکے چوکے مارے اور افغان بولرز کی اکڑ باہر نکال دی۔
افغانستان کی شکست کے بعد سوشل میڈیا ویب سائٹ ایکس پر سابق بھارتی کرکٹر اور آئی سی سی ورلڈکپ کے کمنٹری پینل میں شامل عرفان پٹھان کا نام ٹرینڈ کرنے لگا۔
This Maxwell inning deserves a Irfan Pathan dance.! #AUSvsAFG pic.twitter.com/oZdkqdCA1k
— عمران ڪلهوڙو (@imrankalhoro) November 7, 2023
خیال رہے کہ عرفان پٹھان نے پاکستان کے خلاف افغانستان کی جیت پر چنئی کے گراؤنڈ میں ڈانس کیا تھا، جس کی ویڈیو خود انہوں نے سوشل میڈیا اکاؤنٹس پر شیئر کی تھی۔
Irfan Pathan dance loading.. #AFGvAUS pic.twitter.com/tswFqeYnWm
— Alisha Imran (@Alishaimran111) November 7, 2023
ویڈیو کے کیپشن میں عرفان نے لکھا تھا کہ میں نے اپنا کہا پورا کیا، راشد خان نے مجھ سے کہا تھا کہ ہم دوبارہ جیتیں گے، جس پر میں نے کہا تھا کہ میں دوبارہ ڈانس کروں گا۔
آج افغانستان کی شکست کے فوری بعد ایکس پر میمز کا سلسلہ شروع ہوگیا اور صارفین عرفان پٹھان سے سوال کرنے لگے کہ وہ کب ڈانس کریں گے، توکسی نے کہا کہ ‘پروگرام تو وڑ گیا’۔عرفان پٹھان کو سوشل میڈیا پر شدید تنقید کا سامنا کرنا پڑ رہا ہے۔
