عمر عطا بندیال کے پر کاٹے جارہے ہیں، قاضی فائز کی بھی باری آئیگی۔اعتزاز احسن

لاہور: معروف قانون دان و پیپلز پارٹی رہنما اعتزاز احسن نے کہا ہے کہ چیف جسٹس عمر عطا بندیال کے پر کاٹے جارہے ہیں، باری قاضی فائز عیسیٰ کی بھی آئے گی۔

تفصیلات کے مطابق اپنے ایک ویڈیو بیان میں سینئر قانون دان اعتزاز احسن نے کہا کہ میں سپریم کورٹ کے جج قاضی فائز عیسیٰ سے کہنا چاہتا ہوں کہ یہ عمر عطا بندیال کے پر نہیں کاٹے جارہے۔ یہ آپ کے پر بھی کاٹے جارہے ہیں۔

یہ بھی پڑھیں:

ماہرِ تعلیم ڈاکٹر عادل ڈبلیو ڈبلیو ایف کے نئے صدر نامزد

ویڈیو بیان میں اعتزاز احسن نے کہا کہ حکومت جانتی ہے، بڑی خوش اور مطمئن ہے کہ جب عمر عطا بندیال کے پر کٹ گئے تو قاضی فائز عیسیٰ بھی اس لپیٹ میں آجائیں گے اور قاضی فائز  کے پر کاٹنا تو زیادہ ضروری ہے۔

Wow! Listen to Aitzaz Ahsan of the PPP.
In a meritocratic PPP, leadership would not have been hereditary determined on the basis of an (adopted) surname, an Aitzaz Ahsan may have led it, and Pakistan may have had a genuinely popular and vibrant left of centre political movement. pic.twitter.com/dK1XQ6FQ9L

— Taimur Saleem Khan Jhagra (@Jhagra) April 4, 2023

بیان میں پی پی پی رہنما اعتزاز احسن نے کہا کہ عمر عطا بندیال تو پھر بھی اعتدال میں ہیں ، آپ تو اپنی پوری عدالتی حدود استعمال بلکہ حدود کو توسیع دینے والے جج ہیں جو کسی بھی جج کی خوبی سمجھی جاتی ہے۔

پیپلز پارٹی رہنما اعتزاز احسن نے کہا کہ جو زنجیریں عمر عطا بندیال کے پیروں میں باندھی جارہی ہیں، وہ آپ کو ورثے میں ملیں گی۔ آپ جیسے جج کے ساتھ یہ ہوا تو اس کا پاکستان کو بڑا نقصان ہوگا۔ آپ اس پھندے میں نہ آئیں۔