گوگل نیوز پر ہمیں فالو کریںکراچی: وفاقی وزیر برائے بحری امور علی حیدر زیدی نے اپنی آواز میں واٹس ایپ پر جعلی پیغام کی تشہیر پر برہمی کا اظہار کرتے ہوئے معاملہ ایف آئی اے کے سپرد کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ کچھ بے وقوفوں نے بے ہودہ اور من گھڑت وائس نوٹ بنا کر واٹس ایپ پر اس کی تشہیر شروع کردی ہے۔
پیغام میں وزیرِ بحری امور علی زیدی نے کہا کہ واٹس ایپ گروپس پر کہا جارہا ہے کہ وہ صوتی پیغام (وائس نوٹ) میری آواز میں ہے۔ میں نے مذکورہ وائس نوٹس ایف آئی اے سائبر کرائم کو ارسال کردئیے ہیں۔
وزیرِ بحری امور علی زیدی نے کہا کہ ایسے منفی ہتھکنڈوں کے ذریعے ہمیں عمران خان کے نیا پاکستان ایجنڈے سے کوئی نہیں ہٹا سکتا۔ وفاقی تحقیقاتی ادارہ (ایف آئی اے) جعلی پیغامات کی تحقیقات کرے گا۔
Someone fools have concocted an abusive voice note & propagating it on whatsApp groups claiming it to be my voice. I have sent these voice notes to FIA cyber crime!
Rest assured these silly tricks won’t stop us from pushing @ImranKhanPTI ‘s agenda of #NayaPakistan— Ali Haider Zaidi (@AliHZaidiPTI) April 16, 2021
یاد رہے کہ اِس سے قبل وفاقی وزیر بحری امور علی زیدی نے کہا کہ عمران خان نے کراچی کے لئے بڑا پیکیج دیا، بدقسمتی سے 18ویں آئینی ترمیم آڑے آجاتی ہے،ہم کچھ نہیں کرسکتے،آصف علی زرداری،بادشاہ بن کر بیٹھاہوا ہے۔
وفاقی وزیر علی زیدی نے گزشتہ ماہ اپنے ایک بیان میں کہا کہ 14 سال سے پیپلز پارٹی سندھ میں حکومت کررہی ہے، حالات آپ کے سامنے ہیں۔آنے والے انتخابات میں سندھ کی حکمران جماعت پی ٹی آئی ہوگی۔
مزید پڑھیں: آنے والے انتخابات میں سندھ کی حکمران جماعت پی ٹی آئی ہوگی،علی زیدی
