ای کامرس کی ترقی کی نئی راہ ہموار،ایمازون نے پاکستان کو سیلرز لسٹ میں شامل کرلیا

پاکستان میں ای کامرس کی ترقی کی نئی راہیں کھل گئیں، دنیا کی سب سے بڑی ای کامرس کمپنی ایمازون نے پاکستان کو منظورشدہ ممالک کی فہرست میں شامل کرلیا،مشیر تجارت عبدالرزاق داؤد نے تصدیق کردی۔

مشیر تجارت عبدالرزاق داؤد کاکہنا ہے کہ یہ ہمارے ای کامرس کے لئے ایک بہت بڑا کارنامہ ہے اور اس سے نوجوان نسل اور خواتین کاروباری افراد کیلئے وسیع مواقع کھلیں گے۔

Further to my previous tweet, today @amazon has confirmed that Pakistan has been added to its Sellers’ List. It is a big accomplishment for our E-Commerce & will open up vast opportunities for a new breed of young men & women entrepreneurs. We congratulate everyone involved. pic.twitter.com/iZJxO4q1hB

— Abdul Razak Dawood (@razak_dawood) May 21, 2021

عبدالرزاق داؤد کا کہنا ہے کہ ہم گزشتہ سال سے ایمازون کے ساتھ رابطے میں تھے،ایمازون پاکستان کی کاروباری خواتین، ایس ایم ایزم نوجوانوں اور ہمارے فروخت کنندگان کیلئے ایک بہترین موقع فراہم کر یگا۔

واضح رہے کہ ایمازون اس سے پہلے پاکستان سے کسی شخص کو بطور فروخت کنندگان رجسٹرڈ نہیں کرتا تھاجس کی وجہ سے پاکستانی شہری دیگر ممالک سے ایمیزون کے اکاؤنٹس کھلوا کر اس پر کام کرتے ہیں اور ماہانہ لاکھوں روپے کماتے ہیں۔

مزید پڑھیں: پاکستان کو ایمازون کے رجسٹرڈ سیلرز کی فہرست میں شامل کیے جانے کے فوائد

ایمازون اسٹور میں فروخت کنندہ کو خود کو رجسٹرڈ کرنا ہوتا ہے ، جس کے بعد وہ دکان کا مالک بن جاتا ہے اور ملنے والے آرڈرز کو مطلوبہ پتے پر بھیجتا ہے، کسی بھی چیز کی رقم بذریعہ ایمازون اسٹور اُس کو موصول ہوتی ہے۔

ایمازون کی جانب سے اس اقدام سے پاکستان انٹرنیشنل مارکیٹ میں شامل ہو گیا ہے۔ اس سے ملک میں اربوں کی سرمایہ کاری اور روزگار کے مواقع پیدا ہوں گے۔