گوگل نیوز پر ہمیں فالو کریںملک بھر میں ماہانہ ایڈجسٹمنٹ کے تحت بجلی کی قیمتوں میں کمی کا امکان ہے۔ ذرائع کے مطابق سینٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) کو درخواست دی ہے کہ بجلی کی قیمتیں فی یونٹ 65 پیسے کم کی جائیں۔
اطلاعات کے مطابق سی پی پی اے نے اکتوبر کے لیے یہ ایڈجسٹمنٹ کی درخواست نیپرا میں جمع کروادی جس سماعت 27 نومبر کو ہوگی۔
ماہانہ ایڈجسٹمنٹ کا فائدہ کراچی کے صارفین کو بھی پہنچے گا جبکہ ستمبر کی ایڈجسٹمنٹ پورے ملک میں نافذ ہے جس میں کراچی بھی شامل ہے۔ستمبر کی ماہانہ ایڈجسٹمنٹ میں بجلی کے نرخ فی یونٹ 48 پیسے کم کیے گئے تھے۔
واضح رہے کہ گزشتہ ماہ وزیراعظم شہباز شریف نے صنعتی اور زرعی صارفین کے لیے بجلی کی نئی قیمتوں کا اعلان کیا تھا جس کے تحت سبسڈی نیوٹرل اور کاسٹ پلس طریقہ کے تحت قیمت 23 روپے فی یونٹ مقرر کی گئی تاہم اس سہولت کا فائدہ صرف ان صارفین کو ملے گا جو گزشتہ سال کے مقابلے میں 25 فیصد اضافی بجلی استعمال کریں گے۔
