گوگل نیوز پر ہمیں فالو کریںپاکستان کے پروفیشنل ای گیمر ارسلان ایش نے امریکی ریاست شامبرگ کے شہر الانوئی میں منعقد ہونے والے کومبو بریکر 2023 کی چیمپئن شپ میں جنوبی کوریا کے نی کو شکست دے کر مسلسل دوسری بار ٹائٹل اپنے نام کرلیا۔
ایونٹ کے دوران تقریباً 3 ہزار 500 شرکاء نے مختلف گیمز میں حصہ لیا۔ گرینڈ فائنل میں ارسلان ایش نے شروع میں 4-0 سے کامیابی حاصل کی جبکہ نی نے واپسی کی کوشش کی لیکن پاکستانی کھلاڑی آخری راؤنڈ میں کافی مضبوط ثابت ہوئے۔
اپنی یادگار فتح پر خوشی کا اظہار کرتے ہوئے ارسلان ایش نے ٹوئٹر پر پیغام دیا کہ ایک اور دن، پاکستان کی ایک اور جیت۔ کومبو بریکر کو بیک ٹو بیک جیتنا غیر حقیقی رہا ہے۔ پورا سفر تفریحی اور شدید لمحات سے بھرا ہوا تھا لیکن آخر میں یہ سب حیرت انگیز نکلا۔
Another day, another win for Pakistan ????????
Winning Combo Breaker back to back has been unreal. The entire journey was fun, filled with intense moments, but in the end, it all turned out amazing.Thank you, everyone, for always supporting me. pic.twitter.com/MkjiiCOLwB
— Arslan Ash (@ArslanAsh95) May 29, 2023
واضح رہے کہ یہ پاکستان کے لیے قابل فخر لمحہ ہے کیونکہ ارسلان ایش ٹیکن 7 کے ناقابل شکست کھلاڑی ہیں، انہوں نے تقریباً تمام بڑے ٹورنامنٹ جیتے ہیں۔
