اومی کرون کا زیادہ پھیلاؤ کراچی میں ہے۔اسد عمر نے خبردار کردیا

اسلام آباد: وفاقی وزیرِ منصوبہ بندی و ترقی اسد عمر نے خبردار کیا ہے کہ کورونا کی قسم اومی کرون کا زیادہ پھیلاؤ کراچی میں ہے جس سے وائرس کی نئی لہر کے آغاز کا خدشہ ہے۔ 

سماجی رابطے کی ویب سائٹ ٹوئٹر پر اپنے پیغام میں این سی او سی کے سربراہ اسد عمر نے کہا کہ یہ واضح ثبوت سامنے آچکا ہے کہ گزشتہ کچھ ہفتوں سے کورونا کی جس نئی لہر کا خدشہ تھا، وہ شروع ہورہی ہے۔

یہ بھی پڑھیں:

درجنوں شہری اومی کرون سے متاثر، کراچی میں پھر لاک ڈاؤن لگ گیا

اومی کرون کا خطرہ بڑھ گیا، حکومت نے تمام تعلیمی ادارے بند کرنے کا اعلان کردیا

Clear evidence now of a beginning of another covid wave which has been expected for last few weeks. Genome sequencing showing rising proportion of omicron cases particularly in karachi. Remember : wearing a mask is your best protection

— Asad Umar (@Asad_Umar) January 2, 2022

ٹوئٹر پیغام میں اسد عمر نے کہا کہ جینوم سیکوئنسنگ سے واضح ہے کہ اومی کرون کا زیادہ تر پھیلاؤ کراچی میں ہے۔ شہری کورونا کی روک تھام کیلئے ماسک ضرور پہنیں کیونکہ ماسک ہی آپ کی بہترین حفاظت کا ذریعہ ہے۔ 

خیال رہے کہ اس سے قبل کراچی میں کورونا کی نئی قسم اومی کرون سے درجنوں شہری متاثر ہوئے جس پر ایکشن لیتے ہوئے شہری انتظامیہ نے ایک بار پھر لاک ڈاؤن لگادیا۔عوام کی نقل و حرکت پر پابندیاں عائد کردی گئیں۔

گلشن اقبال سب ڈویژن کے علاقے بلاک 7 میں ایک درجن افراد میں رواں ماہ کے آغاز پر اومی کرون ویرینٹ کی تشخیص کے بعد ڈپٹی کمشنر ایسٹ طحہ سلیم نے مائیکرو اسمارٹ لاک ڈاؤن لگانے کا نوٹیفکیشن جاری کردیا۔