عمران خان سے حکومت نہیں چلائی جارہی ہے، آصف علی زر داری

اسلام آباد : سابق صدر آصف علی زر داری نے ایک بار پھر وزیر اعظم عمران خان پر تنقید کرتے ہوئے کہا ہے کہ ان سے حکومت نہیں چلائی جارہی ہے۔

سابق صدر آصف علی زرداری سے عدالت کے باہر صحافی نے سوال کیاکہ ان ہاؤس تبدیلی ہوتی نظر آ رہی ہے جس پر آصف علی زر داری نے کہاکہ انشا اللہ بہتر ہوگا۔

صحافی نے سوال کیاکہ پیپلز پارٹی دوبارہ پی ڈی ایم کا حصہ بننے جا رہی ہے؟ سابق صدر آصف علی زرداری نے جواب دیاکہ نہیں معلوم لیکن میں ایسا نہیں سمجھتا ہوں۔

انہوں نے کہاکہ میں تو چاہتا ہو کہ یہ حکومت پہلے دن چلی جائے، یہ نا معقول ہے ان سے حکومت نہیں چلائی جارہی ہے اور اب تاریخ نے بھی اسے ثابت کر دی ہے۔

انہوں نے کہاکہ مولانا فضل الرحمن پہلے بھی مارچ کرتے رہے ہیں۔ انہوں نے کہاکہ جو عوام کے حالات ہیں ان میں حکومت سے کچھ نہیں ہو سکتا

اس سے قبل احتساب عدالت میں آصف زرداری کے خلاف ریفرنس کی سماعت کے دوران کمرہ عدالت میں موبائل فون بج اٹھا، موبائل فون کی رنگ ٹون کسی بچے کے رونے کی آواز تھی، رنگ ٹون بجنے پر جج محمد بشیر نے سماعت روک دی، سابق صدر کے وکلاء نے کہا کہ نیب کے دلائل پر بچے بھی روپڑے ہیں۔

مزید پڑھیں:اسلام آباد ہائیکورٹ نے وزیراعظم عمران خان کو نااہل قرار دینے کی درخواست مسترد کر دی

اسلام آباد کی احتساب عدالت میں سابق صدر آصف علی زرداری نیویارک پراپرٹی کیس میں درخواست ضمانت پر سماعت کیلئے اپنے وکیل فاروق ایچ نائیک کے ہمراہ پیش ہوئے۔

کیس کی سماعت کے دوران دلچسپ صورتحال اس وقت پیدا ہوئی جب کمرہ عدالت میں بچے کے رونے کی آواز والی رنگ ٹون والا موبائل فون بچ پڑا، جج احتساب عدالت نے کہا کہ ایسا لگ رہا ہے کہ کسی کا بچہ رو رہا ہے۔

جج کے اس ریمارکس پر کمرہ عدالت قہقہوں سے گونج اٹھا ،وکلا آصف زرداری نے اس موقع پر کہا کہ نیب کے دلائل پر بچے بھی روپڑے ہیں جس پر نیب پراسیکوٹر نے کہا کہ ہم نے تو ابھی دلائل شروع ہی نہیں کیے۔اس موقع پر عدالت نے عملے کو موبائل فون لینے کی ہدایت کردی۔