عاطف اسلم کی بھارت میں کورونا کی بگڑتی صورتحال پردعاؤں کی اپیل

گلوکار عاطف اسلم نے بھارت میں کورونا وائرس کی بگڑتی صورتحال پر تشویش کا اظہار کرتے ہوئے بھارتی عوام کیلئے دعاؤں کی اپیل کردی ہے۔

گلوکارنے بھارت کی صورتحال پر تشویش کا اظہار کرتے ہوئے کہا ہے کہ بھارت میں کورونا وائرس سے متاثرہ افراد کے لئے دعائیں کی جائیں۔

Praying for #India as the country battles the worst #Covid-19 surge the world has witnessed. Let’s all – irrespective of the place we live in – strictly follow the SOPs to avoid further burdening our healthcare systems.#HumanityFirst #PakistanstandswithIndia #indianeedoxygen

— Atif Aslam (@itsaadee) April 26, 2021

واضح رہے کہ بھارت میں کورونا وائرس کی وبا ء بے قابو ہوچکی ہے، دارالحکومت دہلی میں لاک ڈاؤن بڑھا دیا گیا ہے جبکہ بنگلہ دیش نے ہندوستان سے اپنی سرحد آج سے بند کرنے کا اعلان کیا ہے۔

مزید پڑھیں:سلمان خان کی فاؤنڈیشن نے کورونا کیخلاف فرنٹ لائن ورکرز کی مدد کا آغاز کر دیا

یاد رہے کہ بھارت میں ہر چار منٹ میں وباء سے متاثرہ ایک شخص ہلاک ہورہا ہے اور ملک میں مسلسل تیسرے روز کورونا کے کیسز کا عالمی ریکارڈ دیکھنے میں آرہا ہے، اسپتالوں میں آکسیجن کی قلت کا سامنا ہے اور یہاں تک کہ شمشان گھاٹ اورقبرستان بھی بھرچکے ہیں۔

بھارت میں کورونا کی صورتحال یہ ہے کہ لوگ اپنے پیاروں کی آخری رسومات کیلئے کہیں شمشان گھاٹ میں جگہ ڈھونڈھ رہے ہیں تو کئی مریضوں کے اہل خانہ اسپتالوں کے باہر بیڈ کے لیے کھڑے ہیں، ہزاروں لوگ آکسیجن اور وینٹیلیٹرز کا انتظار کر رہے ہیں اور ہلاکتیں مسلسل بڑھتی جارہی ہیں۔